Nashik Accident: दुःखद! सप्तश्रृंगी घाटात इनोव्हा 600 फूट खोल दरीत कोसळली; 6 भाविकांचा मृत्यू

सप्तश्रृंगी गडावरुन परतताना भाविकांची इनोव्हा कार संरक्षण कथडा तोडत 600 फूट दरीत कोसळली. भीषण अपघातात पिंपळगाव बसवंत येथील पटेल कुटुंबातील 6 जणांचा मृत्यू झाला. रात्री बचावकार्य अडचणींमुळे मंदावले. परिसरात हळहळ.

• सप्तशृंग मातेचे दर्शन घेऊन परतणाऱ्या भाविकांची इनोव्हा कार घाटात 600 फूट दरीत कोसळली.
• अपघात पिंपळगाव बसवंत येथील पटेल कुटुंबातील 6 व्यक्तींचा मृत्यू; सर्व जण कारमध्येच होते.
• रात्रीच्या अंधारामुळे बचावकार्य कठीण, स्थानिक नागरिक आणि आपत्ती व्यवस्थापन पथकाची मदत सुरू.

नाशिक: नाशिक येथून एक अपघाताची धक्कादायक बातमी समोर आली आहे. सप्तशृंगी गडावरून परताना भाविकांची इनोव्हा कार खोल दरीत कोसळल्याचे समोर आले आहे. या अपघातात ६ जणांचा मृत्यू झाल्याची माहिती आहे. अपघात झाल्यानंतर स्थानिक नागरिक व आपत्ती व्यवस्थापन पथकांकडून मदत कार्य सुरू करण्यात आलं होतं. हा अपघात गणपती पॉईंटजवळ घडल्याचे समोर आले आहे. ही गाडी संरक्षण कथडा तोडून खोल दरीत कोसळली. सप्तशृंगी मातेचे दर्शन घेवून भाविक परतत होते तेव्हा हा अपघात घडला.

Palghar Crime: रक्षकच भक्षक! हवालदारानेच केले महिलेवर लैंगिक अत्याचार; चौकशीसाठी महिलेला पोलीस ठाण्यात बोलावलं आणि…

६ भाविकांचा मृत्यू

इनोव्हा कार ही थेट 600 फूट खोल दरीत कोसळली. यामुळे मदत कार्याला अडचण येत होती. या गाडीमध्ये ६ व्यक्ती होते. या सर्वांचाच या पडतात मृत्यू झाल्याची प्राथमिक माहिती समोर येत आहे. कळवण महसूल विभागाकडून ही माहिती देण्यात आली आहे. मृत भाविक हे सप्तश्रृंगी मातेचे दर्शन करून परतत असतांना ही दुर्गघटना घडली. या सर्वांचे मृतदेह बाहेर काढण्याचे काम युद्धपातळीवर सुरू आहे. या अपघातामुळे हळहळ व्यक्त करण्यात येत आहे. मृताक्नाध्ये सर्वांचे वय हे ५० पेक्षा जास्त आहे.

अपघातात मृत झालेल्यांचे नावे काय?

1)किर्ती पटेल (५०)
2)रशिलापटेल (५०)
3)विठ्ठल पटेल (६५)
4)लता पटेल (६०)
5)पचन पटेल (६०)
6)मनी बेन पटेल (७०)

नाशिकमध्ये हळहळ! घरात एकटी असताना 10 वर्षीय मुलीने घेतला गळफास

नाशिकमधून एक धक्कादायक घटना समोर आले आहे.नाशिकरोडच्या सामनगाव येथे एका 10 वर्षीय मुलीने राहत्या घरात गळफास घेत आत्महत्या केल्याची घटना समोर आली आहे. या घटनेने परिसरात हळहळ व्यक्त केली जात आहे. मात्र अल्पवयीन मुलीने आत्महत्या का केली याचे कारण समोर आलेले नाही आहे. याबाबत नाशिकरोड पोलीस ठाणे येथे अकस्मात मृत्यूची नोंद करण्यात आली आहे.

आई वडील कामावर असतांना…

आत्महत्या करणाऱ्या १० वर्षीय मुलीचे आई- वडील हे मोल मजुरीचे काम करतात. दोघे आई वडील हे रोजगारासाठी मोल मजुरी करण्यासाठी गेले होते. यावेळी राहत्या घरात नॉयलॉनच्या दोरीच्या साहाय्याने घराच्या छताला गळफास घेत १० वर्षांच्या मुलीने आत्महत्या केली. या घटनेची माहिती मिळताच मुलीचे आई- वडील घरी पोहोचले. तिच्या वडिलांनी तिला शासकीय रुग्णालयात दाखल केले. मात्र डॉक्टरांनी तिला मयत घोषित केले. या घटनेने परिसरात हालहाल व्यक्त केली जात आहे.

Bomb Threat News: इंडिगो, लुफ्थांसा आणि ब्रिटिश एअरवेजच्या विमानांना बॉम्ब स्फोटाची धमकी