Nashik Scandal: तांत्रिक खरातने दिला नरबळी: सुनावणीदरम्यान सरकारी वकिलाचा खळबळजनक संशय

अशोक खरात याने फेब्रुवारी २०२० पासून आरोपीने महिलेला एकांतात बोलावून धार्मिक विधी करण्याच्या बहाण्याने तिच्यावर अत्याचार केला. या महिलेने तक्रार दाखल केल्यानंतर हा प्रकार समोर आला आहे.

• नाशिकच्या अशोक खरातला २९ मार्चपर्यंत पोलीस कोठडी
• अशोक खरातची पोलिस कोठडीची मुदत मंगळवारी संपली
• धार्मिक विधीच्या नावाखाली महिलेवर बलात्कार

Nashik Ashok Kharat Sex Scandal: महिलांवर अत्याचार केल्याप्रकरणी स्वयंघोषित तांत्रिक अशोक खरात याला मंगळवारी नाशिक सत्र न्यायालयात हजर करण्यात आले. सरकारी वकील शैलेंद्र बागडे यांनी सांगितले की, अशोक खरातविरोधात गंभीर स्वरूपाचे आरोप आहेत. त्याच्या तपासासाठी आणखी वेळ हवा आहे. खासकरून, लैंगिक अत्याचाराशी संबंधित प्रकरणांमध्ये डिजिटल पुरावे गोळा करण्याचे काम अद्याप सुरू आहे. त्यामुळे पोलिसांना आणखी 7 दिवसांची पोलीस कोठडी देण्यात यावी, अशी मागणी त्यांनी यावेळी केली आहे. यावेळी वकिलांनी सांगितले की, तपासादरम्यान पोलिसांनी आरोपीकडून एक पिस्तूल जप्त केले आहे. या पिस्तुलाचा वापर करून 5 नरबळी दिल्याचा संशय पोलिसांना आहे. त्यासंदर्भातील काही प्राथमिक पुरावेही पोलिसांच्या हाती लागले आहेत. तसेच, आरोपीकडे काही मालमत्तेची कागदपत्रेही सापडली आहेत. त्याद्वारे अनेक लोकांची फसवणूक केल्याचा संशय असून आणखी तपासासाठी त्यांची चौकशी करायची असल्याचे सांगितले.

नवले पुलावरील अपघात रोखण्यासाठी सरकारकडून प्रयत्न सुरु; एलिव्हेटेड रोडसाठी केंद्राकडे प्रस्ताव

२९ पर्यंत पोलिस कोठडी

अशोक खरातची पोलिस कोठडीची मुदत मंगळवारी संपली होती. यावेळी आतापर्यंत तपासात काय निष्पन्न झाले, याबाबतीत पोलिसांकडून न्यायालयात माहिती दिली. यानंतर न्यायालयाने खरातला 5 दिवसांची म्हणजेच 29 मार्चपर्यंत पोलिस कोठडी सुनावली.

तुझे भविष्य माझ्याशी जोडलेले, माझ्याशी विवाह कर

राज्यभर खळबळ उडविणाऱ्या भोंदूबाबा अशोक खरात लैंगिक शोषण प्रकरणाला आणखी एक धक्कादायक वळण लागले आहे. खरातने एका महिलेला धार्मिक विधी करायचा असे सांगून बोलावून घेतले आणि तिच्यावर बलात्कार केल्याचे प्रकरण समोर आले आहे. अशोक खरात याने फेब्रुवारी २०२० पासून आरोपीने महिलेला एकांतात बोलावून धार्मिक विधी करण्याच्या बहाण्याने तिच्यावर अत्याचार केला. या महिलेने तक्रार दाखल केल्यानंतर हा प्रकार समोर आला आहे.

पीडित महिलेने दिलेल्या तक्रारीनुसार, अशोक खरात याने ‘तुझे भविष्य माझ्याशी जोडलेले आहे, माझ्याशी विवाह कर’ असे सांगत तिच्यावर दबाव टाकला. मे २०२२ मध्ये आरोपी खरातने कार्यालयात बोलावून मंतरलेले पाणी पाजून असाच अत्याचार केला. यानंतरही अनेक वेळा अशाच प्रकारे अत्याचार करण्यात आले. ‘यासंदर्भात कुणाला सांगितले तर तुझे व तुझ्या मुलांचे आयुष्य उद्धवस्त होईल’ अशी धमकीवजा भीती घालून आरोपी अशोक खरात याने गप्प बसवले, असे पीडित महिलेने तक्रारीत म्हटले आहे.

Pune Metro News: पुण्यात मेट्रो लाईनच्या बोगद्याला छिद्र ! घरासाठी बोअरवेल घेताना घडला प्रकार
५ जिवंत काडतुसे सापडली

अशोक खरातवर वन्यजीव शिकार प्रकरणाचाही संशय व्यक्त केला जात आहे. त्याने हरणाची शिकार करून ‘कस्तुरी’ नावाने काही पदार्थ लोकांना दिला आहे. या सर्व आरोपांची सखोल चौकशी सुरू आहे. अशोक खरात हा भक्तांना साप, वाघ दाखवायचा अशी माहितीही तपासामध्ये समोर आली. पोलिस कोठडीची मागणी करताना सरकारी वकिलांनी याचा उल्लेख केला. अशोक खरातने बोटात घालायचे खडे कुठून आणले? मिश्रित पाणी कुठून आणले? याचा तपास करायचा आहे. त्याच्याकडे 5 जिवंत काडतुसेही सापडले आहेत, अशी माहिती सरकारी वकिलांनी न्यायालयाला दिली.