Family Harassment: “पती-सासऱ्यांच्या शारीरिक-मानसिक त्रासाने घेतला बळी! ५ दिवसांच्या संघर्षानंतर शेवटी…

Family Harassment: नवी मुंबईच्या घणसोलीत काळजाचा ठोका चुकवणारी घटना! कौटुंबिक छळाला कंटाळून २८ वर्षीय विवाहितेने केला आत्महत्येचा प्रयत्न; ५ दिवसांच्या रुग्णालयातील झुंजीनंतर अखेर मृत्यू, पती व सासऱ्यावर गुन्हा दाखल!

• पती-सासऱ्याच्या छळाला कंटाळून २८ वर्षीय महीलेची आत्महत्या
• १ नोव्हेंबरला केलेल्या आत्महत्येच्या प्रयत्नानंतर वाशी रुग्णालयात ५ दिवसांची झुंज
• भावाच्या तक्रारीवरून कोपरखैरणे पोलिसांत नोंद; तपास सुरू

Family Harassment: नवी मुंबईतून एक अत्यंत धक्कादायक आणि संतापजनक बातमी समोर आली आहे. कौटुंबिक कारणांवरून पती आणि सासऱ्याकडून होणाऱ्या सततच्या शारीरिक आणि मानसिक छळाला कंटाळून घणसोली येथील एका २८ वर्षीय विवाहितेने आत्महत्या केल्याची दुर्दैवी घटना उघडकीस आली आहे. आशा कृष्णा खराट असे मृत विवाहितेचे नाव आहे. आत्महत्येचा प्रयत्न केल्यानंतर गेले पाच दिवस त्यांची रुग्णालयात मृत्यूशी झुंज सुरू होती, मात्र अखेर उपचारादरम्यान त्यांचा मृत्यू झाला. या घटनेमुळे परिसरात हळहळ व्यक्त केली जात आहे.

हेही वाचा: Acid Attack: पुण्यात जुन्या वादातून मित्राच्या अंगावर फेकले ॲसिड; झटापटीत चिमुकलीसह चौघेजण गंभीर जखमी!

नेमकी घटना काय?

मृत आशा खराट या पती कृष्णा पांडुरंग खराट (३२), सासरे पांडुरंग खराट (७०) आणि मुलांसह घणसोली सेक्टर ४ येथील साईराज सोसायटीत वास्तव्यास होत्या. मिळालेल्या माहितीनुसार, कौटुंबिक कारणांवरून पती आणि सासरे त्यांचा सतत शारीरिक आणि मानसिक छळ करत असल्याचा आरोप आहे. या छळाला कंटाळून आशा यांनी १ नोव्हेंबर रोजी सायंकाळी साडेसातच्या सुमारास आपल्या राहत्या घरात आत्महत्येचा प्रयत्न केला.

हेही वाचा: Fire Incident: “दिवाळीच्या दिव्यामुळे काळानं गाठलं!” धाराशिवच्या येडशीत भीषण अग्नितांडव; एकाच कुटुंबातील ६ जणांचा गुदमरून मृत्यू

५ दिवसांच्या झुंजीनंतर अखेर

ही बाब कुटुंबाच्या लक्षात येताच त्यांना तातडीने उपचारासाठी वाशी येथील महापालिका रुग्णालयात दाखल करण्यात आले. मात्र, पाच दिवस अथक प्रयत्न करूनही त्यांच्या प्रकृतीत सुधारणा झाली नाही. अखेर ६ नोव्हेंबर रोजी उपचारादरम्यान त्यांचा मृत्यू झाला. या प्रकरणी मृत विवाहितेचा भाऊ सुरेश कचरे यांनी कोपरखैरणे पोलीस ठाण्यात तक्रार दाखल केली असून, पोलीस या प्रकरणाचा सखोल तपास करत आहेत.