सोमवार, 9 नोव्हेंबर 2026
सौजन्य फोटो - AI Gemini
मिळालेल्या प्राथमिक माहितीनुसार, येडशी येथील एका किराणा दुकानाच्या वरच्या मजल्यावर हे कुटुंब वास्तव्यास होते. मध्यरात्रीच्या सुमारास सर्वजण गाढ झोपेत असताना अचानक घराला आग लागली. दुकान आणि घर लाकडी तसेच इतर ज्वलनशील साहित्याने वेढलेले असल्याने आणि रात्रीची वेळ असल्याने आगीची तीव्रता अत्यंत झपाट्याने वाढली. घरातील सदस्यांना काही समजण्याच्या आतच आगीचे लोळ आणि काळा धूर सर्वत्र पसरला. घराबाहेर पडण्यासाठी कोणताही मार्ग न मिळाल्याने घरातील ६ सदस्य आगीच्या भक्ष्यस्थानी पडले आणि धुरामुळे श्वास कोंडून त्यांचा जागीच मृत्यू झाला.
घटना घडल्याचे समजताच स्थानिक नागरिकांनी आणि अग्निशमन दलाच्या पथकाने तातडीने घटनास्थळी धाव घेऊन आग विझवण्यासाठी आणि अडकलेल्या लोकांना बाहेर काढण्यासाठी युद्धपातळीवर प्रयत्न केले. मात्र, तोपर्यंत फार उशीर झाला होता. या दुर्दैवी घटनेत ६ जणांचा मृत्यू झाला, तर १ व्यक्तीला सुरक्षित बाहेर काढण्यात यश आले. तिच्यावर रुग्णालयात उपचार सुरू आहेत. घरात लावण्यात आलेल्या दिवाळीच्या पणतीमुळे ही आग लागल्याची प्राथमिक शक्यता वर्तवली जात आहे. घटनास्थळी पोलीस आणि प्रशासकीय अधिकारी दाखल झाले असून घटनेचा अधिक तपास सुरू आहे.
Ans: ही दुर्घटना धाराशिव जिल्ह्यातील येडशी येथे किराणा दुकानाच्या वरच्या मजल्यावर असलेल्या घरात घडली.
Ans: या आगीत धुरामुळे गुदमरून एकाच कुटुंबातील ६ जणांचा मृत्यू झाला असून १ व्यक्ती गंभीर असून तिच्यावर उपचार सुरू आहेत.
Ans: घरात दिवाळीनिमित्त लावण्यात आलेल्या पणतीमुळे आग भडकल्याचा प्राथमिक अंदाज वर्तवण्यात येत आहे.
