Husband Kills Wife: चारित्र्याचा संशय अन् दोन मुलांचे छत्र हरपले! पतीने पत्नीचा गळा आवळून केला खून, अन् नंतर स्वतःही…

Husband Kills Wife: चारित्र्याच्या संशयातून पतीने रात्री पत्नीचा गळा आवळून केला खून; अन् पहाटे स्वतःही रेल्वेखाली उडी मारून संपवले आयुष्य! दोन निष्पाप मुले एका क्षणात झाली पोरकी.

• चारित्र्याच्या संशयातून पत्नीचा केला खून
• पतीने रेल्वेखाली उडी मारून संपवली जीवनयात्रा
• आईचा खून अन् वडिलांच्या आत्महत्येने दोन मुले पोरकी

Husband Kills Wife: चारित्र्याच्या संशयाने एका हसत्या-खेळत्या संसाराचा अत्यंत दुर्दैवी आणि धक्कादायक अंत झाल्याची घटना समोर आली आहे. पत्नीच्या चारित्र्यावर सतत संशय घेत पतीने तिचा गळा आवळून खून केला. हे भयंकर कृत्य केल्यानंतर आरोपी पतीनेही स्वतः रेल्वेखाली उडी मारून जीवनयात्रा संपवली. या दुहेरी घटनेमुळे परिसरात प्रचंड खळबळ उडाली असून, अवघ्या दोन निष्पाप मुलांच्या डोक्यावरील आई-वडिलांचे छत्र एकाच रात्रीत हरपले आहे.

हेही वाचा: Dog Attack: खेळता खेळता काळाचा घाला! पिसाळलेल्या कुत्र्याच्या हल्ल्यात १२ वर्षांच्या मुलाचा रेबीजने तडफडून मृत्यू

रात्री १ ते पहाटे ५ च्या दरम्यान घडला प्रकार

मिळालेल्या प्राथमिक माहितीनुसार, ही घटना ७ नोव्हेंबर रोजी पहाटेच्या सुमारास उघडकीस आली. आरोपी मजीद हनीफ खान (वय ५०) याला पत्नी तब्बसुम मजीद खान (वय ४१) हिच्या चारित्र्यावर संशय होता. याच संशयातून रात्री १ ते पहाटे ५ वाजण्याच्या सुमारास त्यांच्यात वाद झाला आणि मजीदने तब्बसुमचा गळा आवळून तिची निर्घृण हत्या केली.

हेही वाचा:Parking Dispute Murder: कार पार्किंग आणि कुत्र्यावरून झालेल्या वादातून टेक महिंद्राच्या आशिया प्रमुखाची गोळ्या झाडून हत्या!

पत्नीची हत्या अन् पतीने संपवले आयुष्य

पत्नीचा जीव घेतल्यानंतर घाबरलेल्या आरोपी मजीदने तातडीने घटनास्थळावरून पळ काढला. त्यानंतर काही वेळातच त्याने रेल्वेखाली जाऊन आत्महत्या केली. याप्रकरणी मृत महिलेचा १८ वर्षांचा मुलगा रेहान मजीद खान याने पोलिसांत फिर्याद दिली आहे. केवळ एका संशयातून दोन जीव गेले आणि दोन मुलांचे आयुष्य एका क्षणात अंधारात ढकलले गेले. नात्यांमध्ये संशय निर्माण झाल्यास संवादाचा मार्ग निवडा किंवा कायद्याची मदत घ्या, परंतु हिंसेचा मार्ग स्वीकारू नका, असेच आव्हान या दुर्दैवी घटनेनंतर समोर येत आहे.