Pub Fight Case: पुण्यात पबमधील डान्सवरून तुफान राडा! शर्ट हवेत फिरवल्याने झाला वाद; तरुणाच्या डोक्यात सिमेंटचा गट्टू घातला अन्...
मिळालेल्या माहितीनुसार, ऋतिक मधुकर कोंडे (वय २६, रा. वडगाव शेरी) असे या हल्ल्यात गंभीर जखमी झालेल्या तरुणाचे नाव आहे. ऋतिक एका खासगी कंपनीत कामाला असून, गुरुवारी रात्री तो आपल्या प्रशांत नावाच्या मित्रासोबत पबमध्ये गेला होता. पबमध्ये दोघेही डान्स करत असताना रात्री १० वाजण्याच्या सुमारास ऋतिकने आपला शर्ट काढून हवेत फिरवण्यास सुरुवात केली. या क्षुल्लक कारणावरून त्याचा पबमध्ये उपस्थित असलेल्या आरोपींसोबत जोरदार वाद झाला.
काही वेळानंतर ऋतिक आणि त्याचा मित्र पबमधून बाहेर पडले. मात्र, पबमधील वादाचा राग आरोपींच्या मनात कायम होता. त्यांनी ऋतिकचा पाठलाग करून त्याला रस्त्यात गाठले आणि शिवीगाळ करण्यास सुरुवात केली. वाद विकोपाला गेल्यानंतर आरोपींनी रस्त्यावर पडलेला सिमेंटचा गट्टू उचलून थेट ऋतिकच्या डोक्यात घातला आणि झाडाच्या फांदीने त्याला बेदम मारहाण केली.
हेही वाचा: Manchar Crime: सोन्याच्या नावाखाली चांदीचे दागिने तारण! पतसंस्थेला तब्बल ९.४१ लाखांचा गंडा
या जीवघेण्या हल्ल्यात ऋतिक गंभीर जखमी झाला. घटनेनंतर त्याने तातडीने पोलिसांत धाव घेत फिर्याद दिली. पोलिसांनी खुनाचा प्रयत्न केल्याप्रकरणी गुन्हा दाखल करत जेम्स फिलिप मकासरे (४१), प्रिया जेम्स मकासरे (३२), भारत संजय ठाकूर (४०) आणि वेदांत शैलेंद्र भालेराव (२६) या चौघांनाही जेरबंद केले आहे.
Ans: ही घटना पुण्याच्या विमाननगर परिसरातील एका पबबाहेर घडली असून, याप्रकरणी विमानतळ पोलीस ठाण्यात गुन्हा दाखल करण्यात आला आहे.
Ans: जखमी तरुणाचे नाव ऋतिक मधुकर कोंडे (वय २६) असे असून तो एका खासगी कंपनीत नोकरी करतो.
Ans: पोलिसांनी जेम्स मकासरे, प्रिया मकासरे, भारत ठाकूर आणि वेदांत भालेराव या एका महिलेसह चौघांना अटक केली आहे.
.png "Videos"){kind=small}
