Palghar News: ग्रामपंचायतच्या ना-हरकत दाखल्यासाठी 20 हजारांची मागणी, ग्रामविकास अधिकाऱ्याला ACB कडून रंगेहात अटक

पालघर तालुक्यातील नवापूर ग्रामपंचायत हद्दीत राहणार तक्रारच्या मालकीच्या शेतीमध्ये कृषी पर्यटनासाठी तरंग तलाव, तीन रुम, उपहार सुरु करण्याच्या उद्देशाने ग्रामपंचायतीचा ना हरकत दाखला मिळवण्यासाठी ३० ऑक्टोबर 2025 रोजी ग्रामपंचायत कार्यालयलयात अर्ज केला होता. ना हरकत दाखला देण्यासाठी ग्रामपंचायत अधिकारी राजेश संखे यांनी २० हजार रुपयांच्या लाचेची मागणी केली. याची तक्रार लाचलुचपत विभागाच्या पालघर युनिटकडे केली होती.

त्याप्रमाणे मंगळवारी करण्यात आलेल्या पडताळणीमध्ये ग्रामपंचायत अधिकारी राजेश संखे यांनी तक्रारदारनकडे २० हजार रुपयांच्या लाचेची मागणी केल्याचे निष्पन्न झाल्यानंतर सापळा रचला. यावेळी राजेश पंढरीनाथ संखे याला तक्रारदाराकडून पंचासमक्ष 20 हजार रुपये लाच स्वीकारताना रंगेहात ताब्यात घेण्यात आले. याप्रकरणी सातपाटी पोलीस ठण्यात गुन्हा दाखल करण्यात आला आहे.

कारवाई लाचलुचपत विभागाचे पोलीस उप-अधीक्षक दादाराम करांडे यांच्या मार्गदर्शनात ही कारवाई करण्यात आली. पोलीस निरीक्षक राकेश डांगे,पोलीस अंमलदार विलास भोये, आकाश लोहारे, जितेंद्र गवळे यांचा देखील या कारवाईत समावेश होता.

हवालदारानेच केले महिलेवर लैंगिक अत्याचार; चौकशीसाठी महिलेला पोलीस ठाण्यात बोलावलं आणि…

पालघर: पालघर येथून एक धक्कादायक आणि संतापजनक घटना समोर आली आहे. हवालदारानेच महिलेवर लैंगिक अत्याचार केल्याचे समोर आली आहे. ही घटना पालघर जिल्ह्यातील कासा पोलीस ठाण्याच्या आवारात घडली. शरद बोगाडे असं या हवालदाराचे नाव आहे. याप्रकरणी गुन्हा दाखल करण्यात आला असून पोलीस तपास करत आहे.

Accident: यमुना एक्स्प्रेस वेवर धुक्यामुळे भीषण साखळी अपघात: वाहनांना आग लागून 13 जणांचा होरपळून मृत्यू,43 जखमी

संबंधित बातम्या