Mother Son Suicide News: सीसीटीव्ही फुटेजने उघडले गुपित! मातेने चिमुरड्याला १८ व्या मजल्यावर नेऊन संपवले आयुष्य; वाकडमधील थरार!

Mother Son Suicide News: पिंपरी-चिंचवडमधील एका उच्चभ्रू सोसायटीत घडलेल्या घटनेने संपूर्ण महाराष्ट्र हादरला आहे. मणक्याच्या आजाराशी झुंजणाऱ्या एका ३३ वर्षीय मातेने आपल्या ६ वर्षांच्या चिमुरड्याला सोबत घेऊन इमारतीच्या १८ व्या मजल्यावरून उडी मारत जीवन संपवले. मृत्यूपूर्वी त्यांनी लिहिलेल्या ७ पानांच्या चिठ्ठीत काय होते असे रहस्य?

• मणक्याच्या आजाराने त्रस्त महिलेने मुलासह उडी मारून जीवन संपवले
• पतीने दुसरं लग्न करावं, अशी इच्छा चिठ्ठीत व्यक्त
• पोलिसांनी आकस्मिक मृत्यूची नोंद करून तपास सुरू केला

Mother Son Suicide News: पिंपरी-चिंचवडमधून एक अत्यंत मन हेलावून टाकणारी आणि हृदयद्रावक घटना समोर आली आहे. डांगे चौक परिसरातील उच्चभ्रू मानली जाणारी ‘सिग्नेचर पार्क’ सोसायटीत एका ३३ वर्षीय गृहिणीने आपल्या ६ वर्षांच्या चिमुरड्या मुलासह इमारतीच्या १८ व्या मजल्यावरून उडी मारून आत्महत्या केली आहे. शुक्रवारी (ता. ३०) सायंकाळी साडेसहा वाजण्याच्या सुमारास ही भयानक दुर्घटना घडली. या घटनेमुळे संपूर्ण पिंपरी-चिंचवड शहरात मोठी हळहळ व्यक्त होत आहे.

हेही वाचा: Jalna Accident News: पुलावरील नियंत्रण सुटले अन् कंटेनर ढाब्यावर आदळला; चेंदामेंदा झालेल्या गाडीत दोघे जागीच मृत!

मृत माय-लेकाची ओळख आणि घटनाक्रम

मृत माय-लेकाची नावे एकता मनोज भांगड (वय ३३) आणि माधव मनोज भांगड (वय ६) अशी आहेत. एकता यांचे पती येरवडा येथील एका आयटी कंपनीत इंजिनिअर म्हणून नोकरीस आहेत. हे मूळचे राजस्थानचे कुटुंब असून गेल्या दोन वर्षांपासून वाकड येथील सिग्नेचर पार्क सोसायटीत राहत होते. शुक्रवारी सायंकाळी साडेसहा वाजण्याच्या सुमारास ही घटना घडली. पोलिसांनी इमारतीमधील सीसीटीव्ही फुटेजची पडताळणी केली असता, एकता या मुलगा माधव याला सोबत घेऊन लिफ्टने इमारतीच्या १८ व्या मजल्यावर जाताना स्पष्टपणे दिसत आहेत. १८ व्या मजल्यावरील गॅलरीजवळ दोघांच्याही चपला आढळल्या असून, त्यांनी स्वतःहून खाली उडी मारून जीवन संपवल्याचे प्रथमदर्शनी समोर आले आहे. माहिती मिळताच वाकड पोलिसांनी आणि फॉरेन्सिक पथकाने घटनास्थळी धाव घेत पंचनामा केला.

हेही वाचा: 18 लाखांसाठी मित्रावर जीवघेणा हल्ला, नाकाचे हाड फ्रॅक्चर; छत्रपती संभाजीनगरमधील घटनेनं खळबळ

सुसाईड नोटमधील धक्कादायक व भावनिक खुलासे

घटनास्थळावर पोलिसांना एकता यांनी मृत्यूपूर्वी लिहिलेली ७ ते ८ पानांची एक सविस्तर सुसाईड नोट आढळून आली आहे. या चिठ्ठीतील मजकुराने सर्वांचेच डोळे पाणावले आहेत:

• आजाराचा असह्य त्रास: एकता या गेल्या अनेक वर्षांपासून मणक्याच्या गंभीर आजाराने त्रस्त होत्या. अनेक नामांकित रुग्णालयांत उपचार करूनही त्यांच्या आजाराचे निदान होत नव्हते, ज्यामुळे त्या शारीरिक आणि मानसिक विवंचनेत होत्या.
• पतीविषयी प्रेम व दुसरं लग्न: चिठ्ठीत त्यांनी पती मनोज यांच्याविषयी अफाट प्रेम व्यक्त केले असून, आपल्या मृत्यूनंतर त्यांनी दुसरे लग्न करावे आणि आपले आयुष्य नव्याने उभे करावे, अशी इच्छा व्यक्त केली आहे.
• मुलाबाबतची चिंता: आपल्या हयातीनंतर लहान मूल वारंवार आईबद्दल विचारत राहील, या भीतीपोटी आणि लहान मूल सोबत असल्यास पतीला दुसरे लग्न करण्यास अडचण येऊ नये, या विचारातूनच आपण मुलालाही आपल्यासोबत नेत असल्याचे त्यांनी अत्यंत जड अंतःकरणाने लिहून ठेवले आहे.

वाकड पोलीस सध्या या चिठ्ठीतील प्रत्येक मुद्द्याची आणि हस्तक्षरांची सखोल छाननी करत असून प्रकरणाचा पुढील तपास सुरू आहे.