सौजन्य फोटो - सोशल मिडीया
या प्रकरणात ‘कॉन्ट्रॅक्ट किलिंग’ची शक्यता वर्तवली जात असतानाच, वर्षा तुरकर हिच्या पतीने मोठा दावा केला आहे. वर्षाने तिचा मित्र नितेश अग्रवाल याला १५ लाख रुपये दिले होते. तर, वर्षाच्या आईने म्हटले आहे की, वर्षाने नागपूरचा फ्लॅट विकला होता आणि बिझनेस विस्तारासाठी नितेशला तब्बल ६० लाख रुपये दिले होते. त्यांच्यात पैशांच्या देवाणघेवाणीवरून वाद झाल्याची दाट शंका आईने व्यक्त केली आहे. या खुलाशामुळे संपूर्ण प्रकरणाला आता एक नवा आणि धक्कादायक ट्विस्ट मिळाला आहे.
वर्षाच्या आईने मित्र नितेश अग्रवाल याच्यावर थेट संशय व्यक्त करत गंभीर आरोप केले आहेत. “आम्हाला नितेशनेच फोन करून सांगितले की वर्षाला चाकू मारला आहे. त्यानंतर थोड्या वेळाने त्यानेच पुन्हा फोन केला की तिला हॉस्पिटलला नेले आहे. त्यामुळे आम्हाला त्याच्यावरच पूर्ण संशय आहे. हा त्याचाच सगळा खेळ असून त्यानेच वर्षाला संपवले आहे,” असा आक्रोश वर्षाच्या आईने केला आहे.
दिवाळीनिमित्त पुण्याहून माहेरी आलेल्या वर्षा तुरकर हिला मित्र नितेश (निलेश) अग्रवाल हा जंगलात घेऊन गेला होता. तिथे काही चोरट्यांनी वर्षाच्या पाठीत वार केले आणि त्यातच तिचा मृत्यू झाला, असा जबाब त्याने पोलिसांना दिला होता. मात्र, त्याच्या दाव्यावर पोलिसांना सुरुवातीपासूनच संशय आल्याने त्याला ताब्यात घेण्यात आले आहे. आता आई आणि पतीच्या गंभीर आरोपांनंतर पोलिसांनी तातडीने बँक खात्यांची तपासणी सुरू केली असून, आरोपीची कसून चौकशी केली जात आहे. पैशांच्या व्यवहारातूनच मित्राने वर्षाचा काटा काढला का, या दिशेने पोलीस तपास करत आहेत.
Ans: ३५ वर्षीय वर्षा तुरकर पुणे विमानतळावर एका खासगी विमान कंपनीत काम करत होती; तिचा मृतदेह गोंदिया जिल्ह्यातील बोंद्रानी वनक्षेत्रात वैनगंगा नदीच्या परिसरात आढळला.
Ans: वर्षाने नागपूरचा फ्लॅट विकून मित्र नितेश अग्रवाल याला बिझनेससाठी ६० लाख आणि १५ लाख रुपये दिले होते; याच पैशांच्या वादातून त्यानेच तिची हत्या घडवून आणल्याचा आरोप त्यांनी केला आहे.
Ans: चोरट्यांच्या हल्ल्याचा संशयास्पद जबाब देणाऱ्या मित्राला पोलिसांनी ताब्यात घेतले असून, बँक खात्यांचे व्यवहार तपासण्यासोबतच त्याची कसून चौकशी सुरू केली आहे.






