Pune Drugs Arrest News: बँकॉक ते पुणे… तस्करीची अशी पद्धत की अधिकारीही चक्रावले! शूजच्या सोलमधून हशिशची धक्कादायक तस्करी

Pune Drugs Arrest News: णे आंतरराष्ट्रीय विमानतळावर बँकॉकहून आलेल्या प्रवाशाने तस्करीचा अजब प्रकार केला. सामानात काहीच न मिळाल्याने सोडले जाणार इतक्यात कस्टम अधिकाऱ्यांची नजर प्रवाशाच्या स्पोर्ट्स शूजवर गेली. शूजचे सोल कापताच तब्बल १३.५ लाख रुपयांचे हशिश आढळले. तस्करीची ही पद्धत पाहून अधिकारीही थक्क झाले आहेत.

• विमानतळावर बँकॉकहून आलेल्या प्रवाशाच्या शूजमधून १३.५ लाखांचे हशिश जप्त
• सामानात काही न मिळाल्याने शूजचे सोल कापताच तस्कराचा कट उघड झाला
• ३८९ ग्रॅम हशिशसह तस्कराला अटक करून ७ नोव्हेंबरपर्यंत कोठडी सुनावली

Pune Drugs Arrest News: पुणे आंतरराष्ट्रीय विमानतळावर तस्करीचा एक अत्यंत विचित्र आणि हायटेक प्रकार सीमाशुल्क (Customs) अधिकाऱ्यांनी उघडकीस आणला आहे. बँकॉकहून पुण्यात उतरलेल्या एका भारतीय प्रवाशाने आपल्या स्पोर्ट्स शूजच्या सोलमधील खास कप्प्यांमध्ये लपवून आणलेले लाखो रुपयांचे हशिश ड्रग्ज अधिकाऱ्यांनी कारवाई करत जप्त केले. प्रवाशाची ही अनोखी आणि चलाख पद्धत पाहून खुद्द कस्टम अधिकारीही अवाक झाले आहेत.

नेमकी कशी झाली कारवाई?

मिळालेल्या गोपनीय माहितीच्या आधारे सीमाशुल्क अधिकाऱ्यांनी बँकॉकहून एअर इंडिया एक्सप्रेसच्या (IX-291) विमानाने आलेल्या एका प्रवाशावर नजर ठेवली होती. विमानतळावर उतरल्यानंतर त्याच्या संशयास्पद हालचालींमुळे अधिकाऱ्यांनी त्याला रोखून त्याच्या सामानाची कसून तपासणी केली. मात्र, सुरुवातीला त्याच्या सामानात काहीही संशयास्पद आढळले नाही.

हेही वाचा: Tiger Shroff Firing Case Update: सुरक्षा रक्षकांशिवाय फुटबॉल खेळत होता टायगर! शूटर अगदी जवळ, तरीही का नाही झाला हल्ला?

काळ्या स्पोर्ट्स शूजचे सोल कापताच गूढ उकलले!

सामानात काहीही न मिळाल्याने प्रवाशाला सोडण्यात येणार इतक्यात अधिकाऱ्यांचे लक्ष त्याने घातलेल्या काळ्या रंगाच्या स्पोर्ट्स शूजकडे गेले. या शूजची जाडी आणि अवाजवी वजन पाहून अधिकाऱ्यांना तीव्र संशय आला. अधिकाऱ्यांनी बुटांची बारकाईने पाहणी करत थेट शूजचे सोल कापले. सोल कापताच आतमध्ये अंमली पदार्थ लपवण्यासाठी अत्यंत चाणाक्षपणे तयार केलेले खास कप्पे आढळले, ज्यात हशिशचे पॅकेट्स दडवण्यात आले होते.

हेही वाचा: Jalgaon Accident News: संसाराची सुरुवात होण्यापूर्वीच नियतीने साधला घाला; पाळधी-तरसोद बायपासवर तरुणाचा करुणास्पद अंत

१३.५ लाखांचे हशिश जप्त; ७ नोव्हेंबरपर्यंत कोठडी

या धडक कारवाईत सीमाशुल्क विभागाने तब्बल ३८९.२७ ग्रॅम हशिश (Hashish) जप्त केले असून, आंतरराष्ट्रीय बाजारात या अंमली पदार्थांची किंमत सुमारे १३ लाख ५० हजार रुपये इतकी आहे. सीमाशुल्क विभागाने तात्काळ या प्रवाशाला अंमली पदार्थ प्रतिबंधक कायद्यांतर्गत (NDPS Act) अटक केली. न्यायालयाने त्याला ७ नोव्हेंबरपर्यंत न्यायालयीन कोठडी सुनावली असून, या आंतरराष्ट्रीय ड्रग्ज तस्करीत आणखी कोणाचा हात आहे का, याचा सखोल तपास सुरू आहे.