बारवर गुन्हे शाखेची छापा कारवाई; आठ जणांवर गुन्हा दाखल; तब्बल 89 ग्राहक आढळले

पुण्यातून एक मोठी बातमी समोर आली आहे. विमानतळ पोलिस ठाण्याच्या हद्दीतील एअरो स्पेस मॉलमधील ‘द हाऊस कम्यून बार अँड ईटरी’ बारमध्ये गुन्हे शाखेने छापा कारवाई केली आहे.

• बारवर गुन्हे शाखेची छापा कारवाई
• आठ जणांवर गुन्हा दाखल
• तब्बल 89 ग्राहक आढळले

पुणे : पुण्यातून एक मोठी बातमी समोर आली आहे. विमानतळ पोलिस ठाण्याच्या हद्दीतील एअरो स्पेस मॉलमधील ‘द हाऊस कम्यून बार अँड ईटरी’ बारमध्ये गुन्हे शाखेने छापा कारवाई केली आहे. रविवारी पहाटेपर्यंत नियमबाह्य पद्धतीने दारू पुरवठा सुरू असल्याचे आढळून आले असून, याप्रकरणी ८ जणांविरुद्ध गुन्हा दाखल करण्यात आला आहे. कारवाईच्या वेळी बारमध्ये महिलांसह ८९ ग्राहक उपस्थित होते.

याप्रकरणी सुमित गोटे (स्पॉन्सर), नूर हुसून शेख (मॅनेजर), सोनाली पंडित (डीजे), मंगेश धिमधिमे (मालक), अनिकेत किर, सुनीता वर्मा, अनंत गायकवाड आणि शानूर काजी (कामगार) यांच्याविरुद्ध कारवाई करण्यात आली. तर बीएनएस कलम २२३, ३(५), दारूबंदी कायद्यातील कलम ६८, ७७, ८२, ८३, तसेच प्रो. ऑफ. इलेक्ट्रॉनिक सिग्नेचर अॅक्ट कलम ४ आणि महाराष्ट्र पोलीस कायद्यातील कलम ३३(डब्ल्यू) सह नियम १३१ नुसार गुन्हा दाखल करण्यात आला आहे.

पब तसेच हॉटेल्स आणि बारला नियम पाळण्याची सक्त ताकीद दिली आहे. दीडपर्यंत बार सुरू ठेवण्याचे आदेश आहेत. मात्र, काही ठिकाणी छुप्या पद्धतीने हॉटेल्स सुरू ठेवले जात असल्याचे वारंवार दिसून येत आहे. गेल्या महिन्यात पुणे पोलिसांनी हाऊस पार्टीचा पर्दाफाश केला होता. दरम्यान, रविवारी (९ ऑगस्ट) पहाटे सुमारे साडे तीनच्या सुमारास गुन्हे शाखेच्या पथकाने एअरो स्पेस मॉलमधील बारमध्ये उशिरापर्यंत पार्टी सुरू असल्याची माहिती मिळाली होती. यानुसार, पोलिसांनी याठिकाणी छापा टाकला. त्यावेळी नियमबाह्य पद्धतीने आस्थापना सुरू असल्याचे पोलिसांना आढळून आले. छाप्यात पोलिसांनी १ लाख ६७ हजार रुपये किमतीची मद्यसाठा आणि सुमारे ७५ हजार रुपये किमतीची साऊंड सिस्टीम, असा एकूण २ लाख ४२ हजार रुपयांचा मुद्देमाल जप्त केला.

हे सुद्धा वाचा : बोअरच्या मोटरवरून झालेल्या वादातून कुटुंबावर हल्ला; लाकडी बांबू अन् लाथाबुक्क्यांनी बेदम मारहाण

ग्राहक : ८९

पुरुष : ६३

महिला : २६

जप्त मुद्देमाल

मद्यसाठा : १.६७ लाख

साऊंड सिस्टीम : ७५ हजार

एकूण : २.४२ लाख

हे सुद्धा वाचा : भाजपच्या विरोधात भूमिका घेण्याचे धाडस दाखवत असतील, तर…; रोहित पवारांचा अजित पवारांच्या राष्ट्रवादीला टोला