Ullasnagar Crime: उल्हासनगरात महिलेची बाबा-पुजेद्वारे फसवणूक; ७० वर्षीय आजींना १५ लाखांचा गंडा

उल्हासनगरात ७० वर्षीय शकुंतला आहुजा यांची मोलकरीण आणि दोन महिलांनी विश्वास संपादन करून फ्लॅट, पूजा आणि सोन्याच्या नावाखाली १५ लाखांची फसवणूक केली. बागेश्वर बाबाच्या नावाने पूजा करावी लागेल असे सांगून पैसे व दागिने घेतले.

• आजींना २५ लाखांचा फ्लॅट १० लाखात देण्याचे आमिष
• पूजेच्या नावाखाली १२ लाखांचे सोने व पैसे उकळले
• पोलिसांनी दोन आरोपी महिलांना अटक केली

उल्हासनगर: सध्या अनेक बाबा बुवांच्या नावाने आर्थिक फसवणूक करण्याचे प्रकार वाढत चालले आहेत. पुण्यात गेल्या आठवड्यात १४ कोटीला एका महिलेला एका महिला मांत्रिकाने गंडा घातला होता. तशीच काहीशी घटना ही उल्हासनगरात घडली आहे. या घटनेत असणाऱ्या आजींच्या घरी एक मोलकरीण कामाला होती. तिने एका महिलेशी ओळख करून दिली. शकुंतला आहुजा या ७० वर्षाच्या महिला आहेत. त्यांना रेखा नावाच्या महिलेने करिश्मा दुधानी नावाच्या महिलेसोबत ओळख करून दिली होती. २०२३ पासून यांची ओळख होती. सुरुवातीला आजीची ओळख करून ५ लाख उसणे घेतली आणि वेळेत परत पण केले. त्यामुळे तिचा विश्वास संपादन केला. त्या नंतर तिला २५ लाखाचा फ्लॅट १० लाखात देतो म्हणून पैसे घेतले. नंतर आजीच्या लक्षात आल की आपल्याला फ्लॅट मिळाला नाही. पैसे मागितले तर ते खर्च झाले अस सांगण्यात आल.

आजी आर्थिक संकटात आहे पूजा करा!

आजी तुम्ही आर्थिक संकटात आहात तुम्हाला आर्थिक चणचण आहे, त्यामुळे तुम्हाला पूजा करावी लागेल. बागेश्वर बाबाची पूजा करा यातून मार्ग निघेल. समोरचा व्यक्ती बागेश्वर बाबा आहे अस भासवून महिलेची फसवणूक करण्यात आली. तिच्या गळ्यातील १२ लाखाच सोने पण काढून घेण्यात आल. ज्यावेळी आजीबाईने तक्रार केली तेव्हा हा सगळा प्रकार उघडकीस आला आहे.

विठ्ठवालवाडी पोलीसात गुन्हा दाखल

शंकुंतला आहुजा यांची फसवणूक झाली आहे. आपण २५ लाखाला डुबली आहोत अस समजल्यावर पोलिसांत धाव घेतली. त्यांच्या तक्रारीनंतर या महिलांवर गुन्हे दाखल करण्यात आले आहेत. त्या दोन महिलांना अटक करण्यात आली आहे. घरात काम करणाऱ्या मोलकरीनीनेच यांना फसवल्याने आश्चर्य व्यक्त केल जात आहे. विठ्ठलवाडी पोलिस या घटनेचा विशेष तपास करत आहेत. या दोन महिलांनी आणखी कोणाला गंडा घातला आहे का, याचा तपास पोलिसांमार्फत केला जात आहे. मात्र अशा पद्धतीने व्यवहार करताना खबरदारी बाळगली पाहिजे. २५ लाखाचा फ्लॅट आजींच्या अंगलट आला होता. तरी ही आजीना १५ लाखाला गंडा घातला आहे. याचा तपास आता पोलीस करत आहेत.