Uttar Pradesh Crime: अनैतिक संबंधातून चहा विक्रेत्याची मित्रानेच हत्या; ४८ तासात हत्येचा उलगडा

फिरोजाबादमध्ये चहा विक्रेता तेजपाल याची महिलेवरून झालेल्या वादातून हत्या करण्यात आली. आरोपीने दुकानात झोपलेल्या अवस्थेत लोखंडी सळईने डोक्यावर वार केले. पोलिसांनी तपास करून मुख्य आरोपीला अटक केली.

• महिलेवरून वादातून चहा विक्रेत्याची हत्या
• लोखंडी सळईने डोक्यावर वार करून खून
• पोलिसांनी आरोपीला अटक करून गुन्हा उघड

उत्तरप्रदेश: उत्तरप्रदेश येथून एक हत्येची धक्कादायक घटना समोर आली आहे. मित्रानेच आपल्या मित्राची हत्या केल्याचे समोर आले आहे. अनैतिक संबंधातून झालेल्या वादातून ही हत्या करण्यात आल्याचे समोर आले आहे. पोलिसांनी या घटनेचा घटनेचा ४८ तासात उलगडा केला आहे. ही घटना उत्तरप्रदेश येथील फिरोजाबाद टुंडलामध्ये घडली.

काय घडलं नेमकं?

दोन दिवसांपूर्वी जारौली कटजवळ चहा विक्रेता तेजपाल दुकानात झोपलेला असतांना त्याची हत्या केल्याचे समोर आले आहे. सकाळी दुकानाबाहेर त्याचा मृतदेह आढळल्यावर परिसरात एकच खळबळ उडाली. पोलिसांना या घटनेचा उलगडा करण्यासाठी चार पथके तयार केली आणि तपासाला सुरुवात केली. पोलिसांनी जवळपासच्या रहिवाशांची चौकशी केली आणि तांत्रिक पुराव्याच्या आधारे आरोपीला अटक केली. आरोपीची चौकशी केली असता त्याने हत्येची कबुली दिली.

Gujrat Crime: धक्कादायक; लिव्ह-इन पार्टनरच्या मुलींवर लैंगिक अत्याचार, 14 वर्षांची मुलगी गर्भवती

कारण काय?

याप्रकरणात मृत्यू झालेल्या चहा विक्रेतेचा नावं तेजपाल असे आहे. तेजपाल आणि मुकेशचे एका महिलेवरून वाद सुरु होते. मुकेशच्या महिलेसोबत संबंध होते आणि त्याने तिला तेजपालशी बोलण्यास वारंवार विरोध केला होता. मात्र, ती महिला आणि तेजपाल एकमेकांशी बोलत होते, याच रागातून त्याने हत्या करण्याचा कट रचला.

कशी केली हत्या?

घटनेच्या दिवशी मुकेश घटनास्थळी दाखल झाला. त्यावेळी तेजपाल दुकानात झोपला होता, त्याने लोखंडी सळई आणि पोलादी अवजाराने तेजपालच्या डोक्यावर वारंवार हल्ला केला. यात तेजपालचा जागीच मृत्यू झाला.

गुन्हा दाखल

पोलिसांनी आरोपीला अटक केली असून पोलिसांनी हत्येचा गुन्हा दाखल केला आहे. पोलिसांनी हत्येसाठी वापरलेले शस्त्र जप्त केले असून आरोपीला न्यायालयीन कोठडी सुनावण्यात आली आहे.

Pune Crime: पुण्यात फिल्टरच्या विजेच्या धक्क्याने कृषी विद्यार्थ्याचा मृत्यू; सुरक्षा व्यवस्थेवर प्रश्न