Varsova Crime : वर्सोव्यात आढळला पोत्यात बांधलेला तरुणाचा मृतदेह, पुरावा नष्ट करण्याचा प्रयत्न?

Varsova Crime : वर्सोवा येथील समुद्र किनारी एका अज्ञात व्यक्तीचा मृतदेह आढळला आहे. पोलिसांनी पंचनामा करून मृतदेह कूपर रुग्णालयात पाठवले आहे. सदर व्यक्तीची ओळख पटवण्याचे काम पोलिसांकडून करण्यात येत आहे.

• फेरफटका मारणाऱ्या नागरिकांना आढळले पोते
• शवविच्छेदनासाठी मृतदेह कूपर रुग्णालयात पाठवला
• पुरावा नष्ट करण्याचा हेतूचा संशय

 

मुंबई उपनगरातील अंधेरी पश्चिम येथील वर्सोवा समुद्रकिनारी (Varsova Crime) एक धक्कादायक घटना उघडकीस आली आहे. पोत्यात बांधलेला पुरुषाचा मृतदेह सापडल्याने येथे एकच खळबळ उडाली आहे. हत्या करून पुरावा नष्ट करण्याचा प्रयत्न झाला असल्याचा अंदाज प्राथमिक दर्शनी व्यक्त करण्यात येत आहे. देवाची वाडी, जेपी रोड येथील हिंदू स्मशानभूमीच्या मागील बाजूस गुरुवारी सकाळी ही घटना उघडकीस आल्याची माहिती समोर येत आहे.

नागरिकांना आढळले पोते

मिळालेल्या माहितीनुसार, मृत व्यक्तीचे अंदाजे वय 35 ते 40 वर्षे असून, मृतदेह फुगलेल्या अवस्थेत आढळला आहे. समुद्रकिनारी फिरण्यासाठी आलेल्या नागरिकांना पोत्यात काहीतरी बांधलेले वाहून आल्याचे दिसल्यानंतर त्यांनी पोलिसांना याबाबतची माहिती दिली. लगेच पोलिसांनी घटनास्थळी पोहोचून ब्लेडच्या साह्याने पोते उघडले असता त्यामध्ये पुरुषाचा मृतदेह आढळला. या नंतर पोलिसांनी मृतदेह कूपर रुग्णालयात पाठवण्यात आला आहे. तेथील डॉक्टरांनी तपासणीनंतर त्याला मृत घोषित केले.

पोलिसाची टोपी घालून दादागिरी; तोतया पोलिसाला शिवाजीनगर पोलिसांनी ठोकल्या बेड्या

पुरावा नष्ट करण्याचा प्रयत्न?

अज्ञात व्यक्तीची हत्या करुन पुरावा नष्ट करण्याच्या उद्देशाने मृतदेह पोत्यात बांधून समुद्रात फेकल्याचा पोलिसांचा प्राथमिक संशय आहे. याप्रकरणी वर्सोवा पोलीस ठाण्यात भारतीय न्याय संहितेच्या कलम 103 (1) आणि 238 अंतर्गत अज्ञात आरोपीविरोधात खुनाचा गुन्हा दाखल करण्यात आला आहे.

याप्रकरणी वर्सोवा पोलीस परिसरातील सीसीटीव्ही फुटेज आणि गुप्त माहितीच्या आधारे आरोपीचा शोध घेत आहेत. सुरुवातीला पोलिसांसमोर तरुणाची ओळख पटवण्याचे मोठे आव्हान असेल. त्याची ओळख पटल्यानंतरच पुढील तपासाला वेग येण्याची शक्यता आहे.

Kharadi Kidnapping Case: खराडी गावठाणातून तरुणाचे अपहरण; कारमध्ये जबरदस्तीने नेले अन्…

दरम्यान, गुरुवारी रायगड येथेही एक दुःखद घटना घडली. पुण्यावरून आलेल्या सहलीतील 8 जणांचा येते बुडून मृत्यू झाला. पाण्याचा अंदाज न आल्याने आठही जण पाण्यात बुडाल्याची प्राथमिक माहिती आहे. पुण्यातील आळंदी येथून एका खासगी क्लासची सहल पर्यटनासाठी आली होती. या दुर्घटनेतील सर्व आठही जणांचे मृतदेह बाहेर काढण्यात आले आहेत.