शुक्रवार, 30 ऑक्टोबर 2026
सौजन्य फोटो - AI Gemini
मिळालेल्या सविस्तर माहितीनुसार, वानखेडे स्टेडियमवर एका नामांकित टेलिकॉम कंपनीकडून आकर्षक ड्रोन शोचे आयोजन करण्यात आले होते. हजारो उपस्थितांचे लक्ष वेधून घेणारा हा शो सुरू असतानाच रात्री सुमारे ८:१० वाजेच्या सुमारास अचानक दोन ड्रोनवरील तांत्रिक नियंत्रण सुटले. स्टेडियमच्या बाहेर उडत गेलेले हे ड्रोन थेट शेजारील चर्चगेट रेल्वे स्थानकाच्या परिसरात शिरले. त्यापैकी एक ड्रोन प्लॅटफॉर्म क्रमांक ३ वरील विरारच्या दिशेकडील टोकावर जोरदार आदळला. त्यावेळी प्लॅटफॉर्मवर उभे असलेले ३७ वर्षीय प्रवासी हेमंत महोत्सवकर यांना या ड्रोनचा थेट आणि जोरदार फटका बसला. ड्रोन आदळल्यामुळे त्यांच्या डोक्याला आणि कपाळाला गंभीर दुखापत होऊन मोठा रक्तस्राव सुरू झाला.
स्थानकात अचानक झालेल्या या अपघातामुळे प्रवाशांची धावपळ उडाली. घटनेची माहिती मिळताच रेल्वे सुरक्षा दलाच्या (RPF) कर्मचाऱ्यांनी तात्काळ घटनास्थळी धाव घेतली. जखमी हेमंत महोत्सवकर यांना तातडीने प्राथमिक उपचार देण्यात आले. त्यानंतर परिस्थितीचे गांभीर्य ओळखून रुग्णवाहिकेच्या मदतीने त्यांना पुढील उपचारासाठी जीटी (GT) रुग्णालयात दाखल करण्यात आले. स्टेशन मास्टरने या घटनेप्रकरणी पुढील कायदेशीर कारवाईसाठी जीआरपीला (GRP) रीतसर मेमो पाठवला आहे.
या अपघातानंतर रेल्वे पोलिसांनी तातडीने कारवाई करत दोन्ही दुर्घटनाग्रस्त ड्रोन आपल्या ताब्यात घेतले आहेत. या प्रकरणी निष्काळजीपणा दाखवल्याप्रकरणी अज्ञात व्यक्तींविरोधात गुन्हा दाखल करण्यात आला आहे. ड्रोन शोदरम्यान सुरक्षेचे कोणते नियम पायदळी तुडवले गेले? ड्रोनवरील सिग्नल्स कसे कट झाले? आणि एवढ्या मोठ्या कार्यक्रमात तांत्रिक चुकीमुळे ड्रोन थेट गजबजलेल्या रेल्वे स्थानकात कसे पोहोचले? या सर्व प्रश्नांचा पोलीस आणि रेल्वे प्रशासन सखोल तपास करत आहेत.
Ans: ड्रोन शोदरम्यान नियंत्रण सुटलेले २ ड्रोन थेट चर्चगेट रेल्वे स्थानकातील प्लॅटफॉर्म क्रमांक ३ वर कोसळले.
Ans: या अपघातात ३७ वर्षीय प्रवासी हेमंत महोत्सवकर यांच्या डोक्याला आणि कपाळाला ड्रोनचा फटका बसल्याने ते गंभीर जखमी झाले आहेत.
Ans: रेल्वे पोलिसांनी दोन्ही ड्रोन जप्त केले असून अज्ञात व्यक्तींविरोधात गुन्हा दाखल करून तांत्रिक चुकीचा तपास सुरू केला आहे.
