आता २६ फेब्रुवारीपर्यंत रेल्वेचा मोठा निर्णय (फोटो सौजन्य-X)
New Delhi Railway Station stampede Marathi : नवी दिल्ली रेल्वे स्थानकार चेंगराचेंगरीमध्ये 18 निष्पाप जीव चिरडल्यानंतप प्लॅटफॉर्म तिकिटांची काउंटर विक्री बंद करण्याचा रेल्वेने निर्णय घेतला आहे. चेंगराचेंगरीनंतर नवी दिल्ली रेल्वे स्थानकावरील काउंटरवरून प्लॅटफॉर्म तिकिटांची विक्री थांबवण्यात आली आहे. हा आदेश २६ फेब्रुवारीपर्यंत लागू राहणार आहे.
चेंगराचेंगरीनंतर एनडीएलएसमध्ये कोणतेही प्लॅटफॉर्म तिकिटे दिली जात नसल्याचे रेल्वे प्रशासनाकडून सांगण्यात आले आहे.
मिळालेल्या माहितीनुसार रेल्वे प्रशासनाने नवी दिल्ली रेल्वे स्थानकावरील प्लॅटफॉर्म तिकिटांची विक्री २६ फेब्रुवारीपर्यंत बंद केली आहे. प्लॅटफॉर्मवरील गर्दी नियंत्रित करण्यासाठी प्रशासनाने हे पाऊल उचलले आहे. याशिवाय नवी दिल्ली स्थानकावर रेल्वेने विशेष व्यवस्था केली आहे. प्रवाशांची गैरसोय टाळण्यासाठी, प्रत्येक प्रवेश बिंदूवर आरपीएफ आणि टीटी तैनात करण्यात आले आहेत. या ऑर्डरनंतर, आता तुम्ही जनरल तिकीट किंवा आरक्षित तिकीट असल्यासच प्लॅटफॉर्मवर जाऊ शकता.
यापूर्वी, दिल्ली पोलिसांनी रेल्वे स्थानकावर गर्दी व्यवस्थापनासाठी सहा निरीक्षक दर्जाचे अधिकारी तैनात केले होते.ज्यांना आधीच एनडीएलएसमध्ये काम करण्याचा अनुभव आहे. यापैकी काही अधिकाऱ्यांनी नवी दिल्ली रेल्वे पोलिस ठाण्यात एसएचओ पद भूषवले आहे.शनिवारी १५०० जनरल तिकिटे विकली गेली.
त्याच वेळी, शनिवारी रात्री झालेल्या चेंगराचेंगरीच्या सुरुवातीच्या तपासादरम्यान, असे आढळून आले की रेल्वेने नवी दिल्ली स्थानकावर दर तासाला १५०० सामान्य तिकिटे विकली. अहवालात असेही म्हटले आहे की, रेल्वे संरक्षण दलाच्या (RPF) कर्मचाऱ्यांची तैनाती संतुलित नव्हती, ज्यामुळे गर्दी नियंत्रित करण्यात अडचणी आल्या आणि परिस्थिती आणखी बिकट झाली.
शनिवारी नवी दिल्ली रेल्वे स्थानकाच्या प्लॅटफॉर्म क्रमांक १४ वर प्रयागराजला जाणाऱ्या ट्रेनची वाट पाहत भाविकांची मोठी गर्दी उभी होती आणि इतर प्रवासीही तिथे पोहोचण्याचा प्रयत्न करत होते. दरम्यान, रेल्वेने अचानक प्लॅटफॉर्म क्रमांक १६ वरून एक विशेष ट्रेन येण्याची घोषणा केली. यानंतर, घोषणेनंतर आधीच प्लॅटफॉर्म १४ वर जाण्याचा प्रयत्न करणारे प्रवासी देखील प्लॅटफॉर्म १६ च्या दिशेने धावले, ज्यामुळे गोंधळ उडाला आणि गर्दी नियंत्रणाबाहेर गेली. आणि लोक एकमेकांवर तुटू लागले. यामुळे चेंगराचेंगरी झाली. चेंगराचेंगरीत १८ जणांचा मृत्यू झाला आणि अनेक जण जखमी झाले. मृतांमध्ये ९ महिला, ४ पुरुष आणि ५ मुले यांचा समावेश आहे जे बिहार, दिल्ली आणि हरियाणाचे रहिवासी होते. या घटनेनंतर रेल्वेने या प्रकरणाची उच्चस्तरीय चौकशीचे आदेश दिले आहेत.
.png "Videos"){kind=small}
