राज्यात बॅग्स तपासणीचा मुद्दा तापला; कराड विमानतळावर गोव्याच्या मुख्यमंत्र्यांच्या बॅगेची तपासणी

महायुतीचे कराड दक्षिण विधानसभा मतदारसंघातील उमेदवार डॉ. अतुल भोसले यांच्या प्रचारार्थ गोव्याचे मुख्यमंत्री सावंत यांच्या उपस्थितीत डॉक्टरांच्या बैठकीचे बुधवारी सायंकाळी आयोजन करण्यात आले होते.

Follow Us

Follow Us:

कराड: राज्यात विधानसभा निवडणूक अगदी शेवटच्या टप्प्यात येऊन पोहोचली आहे.दरम्यान महायुतीच्या उमेदवारासाठी आलेल्या गोव्याचे मुख्यमंत्री डॉ. प्रमोद सावंत यांच्या बॅगेची देखील तपासणी करण्यात आली आहे. महायुती आणि महाविकास आघाडीचे नेते एकमेकांवर जोरदार आरोप-प्रत्यारोप करत आहेत. त्यानंतर गेल्या काही दिवसांपासून बॅग तपासणीवरून राज्याच्या राजकारणात एकच चर्चा सुरू झाली आहे. वणी,औसा आणि गोवा-महाराष्ट्र बॉर्डरवर उद्धव ठाकरेंच्या बॅग्सची तपासणी करण्यात आली. त्यावरून ठाकरेंनी महायुतीवर टीका केली. मात्र त्यानंतर अनेक नेत्यांच्या बॅग्स तपासल्याचे व्हिडिओ समोर आले आहेत.

महाराष्ट्रात विधानसभा निवडणुकीच्या पार्श्वभूमीवर माजी मुख्यमंत्री तथा शिवसेना प्रमुख उद्धव ठाकरे यांची बॅग तपासल्यानंतर याबाबत चांगलाच वादंग झाला होता. उद्धव ठाकरे यांनीही याबाबत तपास यंत्रणा, तसेच विरोधकांवर टीकेची झोड उठवली होती. दरम्यान, कराड विमानतळावर गोव्याचे मुख्यमंत्री प्रमोद सावंत यांचीही बॅग तपासण्यात आली. त्यामुळे माजी मुख्यमंत्री, तसेच वरिष्ठ नेत्यांच्या बॅग तपासणीवरून चांगलेच आरोप, प्रत्यारोप होऊ लागले आहेत.

हेही वाचा: Uddhav Thackeray : यवतमाळमध्ये उद्धव ठाकरेंच्या बॅगांची झडती; निवडणूक अधिकाऱ्यांवर ठाकरे कडाडले, Video ही काढला

याबाबतची माहिती अशी की, कराड दक्षिण विधानसभा मतदारसंघातील  महायुतीतर्फे भाजपचे उमेदवार डॉ. अतुलबाबा भोसले यांच्या प्रचारार्थ गोव्याचे मुख्यमंत्री प्रमोद सावंत हे  बुधवारी कराड दौऱ्यावर आले होते.  ते गुरुवारी गोव्याकडे रवाना होण्यापूर्वी कराड येथील विमानतळ परिसरात निवडणुक यंत्रणेकडून त्यांच्या बॅगेची तपासणी करण्यात आली. त्याची चर्चा सध्या सुरू झाली आहे.

संबंधित बातम्या