All The Best : महाराष्ट्र गाजवल्यानंतर ‘ऑल दि बेस्ट’चा डंका सातासमुद्रापार, तारखा जाणून घ्या…

All The Best : मराठी रंगभूमीवरील लोकप्रिय ‘ऑल दि बेस्ट’ या नाटकाने तब्बल ३३ वर्षांचा यशस्वी प्रवास पूर्ण करत आता अमेरिकेत भरारी घेतली आहे. अनामय प्रॉडक्शन्सची निर्मिती आणि देवेंद्र पेम यांचे लेखन-दिग्दर्शन असलेले हे नाटक लवकरच अमेरिकेतील मराठी रसिकांसमोर सादर होणार आहे.

• ३३ वर्षांपासून प्रेक्षकांचे मनोरंजन करणारे ‘ऑल दि बेस्ट’ आता अमेरिकेत.
• अनामय प्रॉडक्शन्सची निर्मिती आणि देवेंद्र पेम यांचे लेखन-दिग्दर्शन.
• मराठी रंगभूमीवरील या गाजलेल्या नाटकाची जादू आता अमेरिकेतील रसिकांना अनुभवता येणार.

Performances of the play ‘All the Best’ in the USA: मराठी रंगभूमीवर अनेक नाटकं आली आणि गेली, पण काही प्रयोग काळाच्या पुढे जाऊन प्रेक्षकांच्या मनात कायमचे घर करतात. ‘ऑल दि बेस्ट’ हे त्यापैकीच एक नाव. गेल्या ३३ वर्षांपासून रसिकांना खळखळून हसवणाऱ्या या लोकप्रिय नाटकाने आता महाराष्ट्राबाहेर मोठी झेप घेतली आहे. अनामय प्रॉडक्शन्सची निर्मिती आणि देवेंद्र पेम यांचे लेखन-दिग्दर्शन असलेले हे नाटक लवकरच अमेरिकेतील मराठी प्रेक्षकांसमोर रंगणार आहे.

‘ऑल दि बेस्ट’चा प्रवास साधा नाही. तब्बल तीन दशकांहून अधिक काळ हे नाटक रंगभूमीवर टिकून आहे, हेच त्याच्या लोकप्रियतेचे मोठे उदाहरण आहे. काळ बदलला, प्रेक्षकांच्या आवडी बदलल्या, मनोरंजनाची माध्यमं वाढली; तरीही या नाटकाची जादू कमी झालेली नाही. आजही त्याच्या प्रयोगांना मिळणारा प्रतिसाद तितकाच उत्साह देणारा आहे. All The Best :

महाराष्ट्रातही प्रयोगांना गर्दी

सध्या राज्यातील विविध ठिकाणी ‘ऑल दि बेस्ट’चे प्रयोग सुरू असून प्रेक्षकांकडून त्याला चांगला प्रतिसाद मिळत आहे. मयुरेश पेम, जुई बेंडखळे, निखिल चव्हाण आणि मनमित पेम हे कलाकार रंगमंचावर आपल्या अभिनयाने धमाल उडवत आहेत. त्यांच्या टायमिंगमुळे आणि उत्स्फूर्त संवादांमुळे प्रत्येक प्रयोगात हास्याची लाट पाहायला मिळते.

अमेरिकेतील मराठी रसिकांसाठी खास संधी

आता हेच नाटक अमेरिकेत राहणाऱ्या मराठी प्रेक्षकांना पाहायला मिळणार आहे. परदेशात राहत असलेल्या मराठी कुटुंबांसाठी मातृभाषेतील नाटक हा नेहमीच भावनिक अनुभव असतो. त्यामुळे ‘ऑल दि बेस्ट’चा हा दौरा केवळ मनोरंजनाचा कार्यक्रम न राहता मायदेशाशी जोडणारा एक सुंदर दुवा ठरणार आहे.

BMMच्या अधिवेशनात निवड

या दौऱ्याला आणखी एक विशेष महत्त्व आहे. बृहन्महाराष्ट्र मंडळ अर्थात BMMच्या प्रतिष्ठित अधिवेशनासाठी ‘ऑल दि बेस्ट’ची निवड झाली आहे. जगभरातील मराठी मंडळी एकत्र येत असलेल्या या व्यासपीठावर नाटक सादर होणे ही संपूर्ण टीमसाठी मोठी गोष्ट आहे. त्यामुळे या प्रयोगाकडे केवळ कलाकारच नव्हे, तर मराठी रंगभूमीचे चाहतेही उत्सुकतेने पाहत आहेत.

अमेरिकेत कुठे-कुठे प्रयोग?

अमेरिकेतील या दौऱ्यात विविध शहरांमध्ये नाटकाचे प्रयोग आयोजित करण्यात आले आहेत. त्याची तारीख आणि ठिकाणांची यादी पुढीलप्रमाणे आहे :

• ७ ऑगस्ट – सिएटल (BMM)
• ८ ऑगस्ट – बे एरिया
• ९ ऑगस्ट – ह्यूस्टन
• १४ ऑगस्ट – बोस्टन
• १५ ऑगस्ट – डेट्रॉईट
• १६ ऑगस्ट – शिकागो
• १९ ऑगस्ट – पिट्सबर्ग
• २१ ऑगस्ट – टॅम्पा बे
• २२ ऑगस्ट – अटलांटा
• २३ ऑगस्ट – डॅलस
• २७ ऑगस्ट – सेंट लुईस
• २८ ऑगस्ट – रॅले
• २९ ऑगस्ट – मिनियापोलिस
• ३० ऑगस्ट – न्यू जर्सी
• ४ सप्टेंबर – रिचमंड
• ५ सप्टेंबर – कनेक्टिकट

अमेरिकेत अनेक मराठी कुटुंबं वास्तव्यास आहेत. घरापासून आणि मातृभूमीपासून दूर असताना मराठी नाटक, संगीत आणि साहित्य यांच्याशी जोडले जाणे त्यांच्यासाठी खास अनुभव असतो. अशा वेळी ‘ऑल दि बेस्ट’सारखं गाजलेलं नाटक अमेरिकेच्या विविध शहरांत पोहोचणं ही रसिकांसाठी आनंदाची बातमी आहे.

Filmfare Marathi Awards 2026: ‘गोंधळ’चा फिल्मफेअरमध्ये जलवा; 19 नामांकनांतून 6 पुरस्कारांची कमाई

कलाकारांसाठीही मोठा टप्पा

एखाद्या नाटकाला परदेशात घेऊन जाण्यामागे केवळ कलाकारांचा सहभाग नसतो. त्यासाठी लेखक, दिग्दर्शक, निर्माते, तंत्रज्ञ आणि पडद्यामागे काम करणाऱ्या प्रत्येक व्यक्तीची मेहनत असते. त्यामुळे हा दौरा संपूर्ण टीमसाठी महत्त्वाचा टप्पा मानला जात आहे.

Prajakta Mali Birthday: प्राजक्ता माळीच्या बर्थडे दिवशी मोठी घोषणा! “मला नाईलाजाने…” म्हणत घेतला ‘हा’ निर्णय

मराठी रंगभूमीची नवी ओळख

‘ऑल दि बेस्ट’चा अमेरिका दौरा हा मराठी नाटकाच्या वाढत्या पोहोचीकडे पाहण्याचा एक वेगळा दृष्टिकोन देतो. महाराष्ट्रात सुरू झालेला एका नाटकाचा प्रवास आता सातासमुद्रापार पोहोचत आहे. ३३ वर्षांची परंपरा, आजचे कलाकार आणि परदेशातील मराठी रसिक यांची ही भेट नक्कीच खास ठरणार आहे. रंगमंचावरील हास्याचा हा प्रवास अमेरिकेतही तितकाच रंगतो का, याची उत्सुकता आता मराठी नाट्यप्रेमींना लागली आहे.