Allu Arjun: विशाखापट्टणममध्ये अल्लू अर्जुनने सुरू केलं ‘AAA Cinemas’; मिळणार वर्ल्ड-क्लास सिनेमॅटिक एक्सपीरियन्स

Allu Arjun: अल्लू अर्जुन यांनी विशाखापट्टणममध्ये ‘AAA Cinemas’ लॉन्च केलं आहे. ८ स्क्रीन, १,५५६ सीटिंग कॅपॅसिटी आणि ७०×३० फूट LED स्क्रीनसह थिएटर सज्ज आहे.

Allu Arjun: यंदाच्या सर्वात मोठ्या घोषणांपैकी एक करत आयकॉन स्टार अल्लू अर्जुन यांनी विशाखापट्टणममध्ये ‘AAA Cinemas’ लॉन्च केलं आहे. तेलुगू चित्रपटसृष्टीच्या महत्त्वाच्या केंद्रांपैकी एक असलेल्या विशाखापट्टणममध्ये उभारण्यात आलेलं हे अत्याधुनिक थिएटर प्रेक्षकांना केवळ चित्रपट पाहण्याचा अनुभव देणार नाही, तर त्यांना वर्ल्ड-क्लास सिनेमॅटिक एक्सपीरियन्स देण्याच्या उद्देशाने तयार करण्यात आलं आहे.

अत्याधुनिक तंत्रज्ञानाने सज्ज ‘AAA Cinemas’

विशाखापट्टणममध्ये आपली पोहोच वाढवत अल्लू अर्जुन यांनी हे थिएटर अत्याधुनिक हाय-एंड टेक्नॉलॉजीसह उभारलं आहे. या थिएटरमध्ये भारताची पहिली LED प्रोजेक्शन Q-Luxon स्क्रीन असल्याचा दावा करण्यात आला आहे. याशिवाय आंध्र प्रदेशातील सर्वात मोठी LED सिनेमा स्क्रीनही येथे आहे.

या स्क्रीनचा आकार तब्बल ७० फूट × ३० फूट आहे. त्यामुळे मोठ्या पडद्यावर चित्रपट पाहण्याचा प्रेक्षकांचा अनुभव आणखी भव्य होणार आहे.

८ स्क्रीन, १,५५६ आसनांची क्षमता

‘AAA Cinemas’मध्ये एकूण ८ स्क्रीन असून, थिएटरची एकूण सीटिंग कॅपॅसिटी १,५५६ आहे. प्रेक्षकांच्या सोयीसाठी येथे ‘Icon Star Lounge’ तयार करण्यात आला आहे. रिक्लायनर गेस्ट्ससाठी एक्सक्लुझिव्ह VIP एंट्रीची सुविधाही देण्यात आली आहे.

याशिवाय ‘82 Lounge’मध्ये प्रायव्हेट स्क्रीनिंग्स आणि खास कार्यक्रमांचे आयोजन करता येणार आहे. त्यामुळे हे थिएटर केवळ सिनेमा पाहण्यासाठीची जागा न राहता मनोरंजनाचा एक खास अनुभव देणारे ठिकाण ठरणार आहे.

मनोरंजन विश्वातील गुंतवणुकीकडे अल्लू अर्जुन यांचं मोठं पाऊल

अल्लू अर्जुन यांनी आपल्या स्टारडमचा आणि यशाचा उपयोग मनोरंजन क्षेत्रात गुंतवणूक करण्यासाठी केला आहे. पडद्यावर अनेक ब्लॉकबस्टर चित्रपट आणि दमदार भूमिका साकारत त्यांनी जगभरात मोठा चाहतावर्ग निर्माण केला आहे.

आता ‘AAA Cinemas’च्या माध्यमातून ते ज्या मनोरंजन उद्योगावर विश्वास ठेवतात, त्याला आणखी बळकटी देण्याचा प्रयत्न करत आहेत. विशाखापट्टणममध्ये उभारण्यात आलेलं हे अत्याधुनिक थिएटर त्यांच्या एंटरटेनमेंट इकोसिस्टम उभारण्याच्या व्हिजनचा महत्त्वाचा भाग मानला जात आहे.

AR Rahman Son Accident: ए. आर. रहमान यांचा मुलगा आमीनचा कार अपघात;प्रकृतीबाबत समोर आली मोठी अपडेट

‘राका’मुळेही अल्लू अर्जुन चर्चेत

दरम्यान, अल्लू अर्जुन आपल्या आगामी ‘राका’ या चित्रपटामुळेही चर्चेत आहेत. चित्रपटातील त्यांच्या नव्या अवताराचा पोस्टर समोर आल्यानंतर सोशल मीडियावर त्याची जोरदार चर्चा झाली.

नव्या लूकनंतर चाहत्यांची उत्सुकता आणखी वाढली असून, अल्लू अर्जुन यांना पुन्हा मोठ्या पडद्यावर पाहण्यासाठी चाहते आतुर आहेत.

Kon Honar Crorepati: ‘कोण होणार करोडपती’मध्ये मोठा बदल; बॉलिवूडची मराठमोळी अभिनेत्री सांभाळणार सूत्रसंचालनाची धुरा, प्रोमो व्हायरल