Bigg Boss 20: ‘त्याला मी ठार मारेन..’, जय भानुशालीचं नाव घेताच माही विजचा चढला पारा, लव गिलला दिला थेट इशारा; नेमकं काय घडलं?

Bigg Boss 20: 'बिग बॉस २०'च्या घरात माही विज आणि लव गिलमध्ये जोरदार भांडण झालं. जय भानुशालीसोबतच्या घटस्फोटाच्या चर्चेवर माही संतापली. प्रोमो व्हिडीओ चर्चेत आला आहे.

Bigg Boss 20: सलमान खानचा लोकप्रिय रिअॅलिटी शो ‘बिग बॉस २०‘ सध्या घरातील वादांमुळे चर्चेत आहे. शोमध्ये रोज नवनवीन कारणांवरून स्पर्धकांमध्ये खटके उडताना दिसत आहेत. नुकतंच अरिशफा खान आणि लव गिल यांच्यात जोरदार भांडण झालं होतं. आता या घरात आणखी एका वादाची ठिणगी पडली आहे. अभिनेत्री माही विज आणि लव गिल यांच्यात जोरदार शाब्दिक चकमक झाल्याचा प्रोमो समोर आला आहे. विशेष म्हणजे, माही आणि अभिनेता जय भानुशाली यांच्या घटस्फोटाच्या चर्चेवरून हा वाद झाल्याचं पाहायला मिळत आहे.

जुन्या विधानावरून लव गिल आणि माही विजमध्ये वाद

‘बिग बॉस २०’च्या आगामी एपिसोडमध्ये नॉमिनेशनदरम्यान माही विजचं एक जुनं विधान चर्चेत आलं. यापूर्वी माहीने लव गिलला ‘घर तोडणारा’ म्हटलं होतं. हे ऐकल्यानंतर लव संतापला आणि त्याने माहीला सुनावलं. याचदरम्यान माही विज आणि जय भानुशाली यांच्या घटस्फोटाच्या अफवांचाही विषय निघाला. त्यामुळे माहीचा राग अनावर झाल्याचं प्रोमोमध्ये दिसत आहे.

Sonia Gandhi: पहिल्यांदा भारतात आलेल्या सोनिया गांधींच्या स्वागतासाठी पोहोचले होते अमिताभ बच्चन; राजीव गांधींशी होती खास मैत्री

घटस्फोटाच्या चर्चेवर माही विजचा संताप

व्हायरल प्रोमोमध्ये माही विज लव गिलवर ओरडताना दिसत आहे. आपल्या वैयक्तिक आयुष्याबद्दल घरात चर्चा का केली जात आहे, असा सवाल तिने केला. यावेळी ती भावुक झाली आणि आपल्या घटस्फोटाबद्दल कोणीही चर्चा करू नये, असा इशाराही तिने दिला.

माहीने संतापाच्या भरात, “जो कोणी माझ्या नवऱ्याला या प्रकरणात ओढेल, त्याला मी ठार मारेन,” असं वक्तव्य केलं. हे बोलल्यानंतर ती रागाने गार्डन एरियामध्ये निघून गेली. तिचा हा संताप पाहून घरातील इतर स्पर्धकही काही क्षण शांत झाल्याचं प्रोमोमध्ये दिसत आहे.

Tomorrow Episode Promo: Love, Amrapali & Yung clash with Mahhi over the “Homebreaker” remark, while Love brings up Mahi divorce topic. @HotstarReality https://t.co/XQuezcm6QJ — BBTak (@BiggBoss_Tak) November 10, 2026

Gokul Election: ‘तुमचं पण दूध जातं का गोकुळात?’ पिट्याभाईचा राजकुमार तांगडेंना सवाल; सोशल मीडियावर रंगली जुगलबंदी

आम्रपाली दुबेने घेतली लव गिलची बाजू

या वादात अभिनेत्री आम्रपाली दुबेनेही प्रतिक्रिया दिली. तिने माहीला तिच्या जुन्या विधानाची आठवण करून दिली. “तू सुद्धा लवला ‘घर तोडणारा’ म्हटलं आहेस, जे पूर्णपणे चुकीचं आहे,” असं आम्रपाली म्हणताना दिसते. यावरून माही आणि आम्रपाली यांच्यातही शाब्दिक चकमक झाल्याचं प्रोमोमध्ये पाहायला मिळत आहे.

आता या वादावर आगामी एपिसोडमध्ये काय घडणार, माही आणि लव यांच्यातील वाद आणखी वाढणार का, याकडे प्रेक्षकांचं लक्ष लागलं आहे.