(फोटो सौजन्य-सोशल मीडिया)
Bigg Boss 20: सलमान खानचा रिअॅलिटी शो ‘बिग बॉस 20’ सुरू होऊन अवघे चार दिवस झाले आहेत. मात्र, शोच्या सुरुवातीपासूनच घरात वेगवेगळ्या कारणांवरून वाद आणि चर्चांना सुरुवात झाली आहे. नुकताच घरात कॅप्टन्सी टास्क पार पडला असून, रॅपर Yung DSA ‘बिग बॉस 20’चा पहिला कॅप्टन बनला आहे. मात्र, कॅप्टन होताच त्याचा अंदाज बदलल्याचं पाहायला मिळत आहे.
नुकत्याच समोर आलेल्या प्रोमोमध्ये Yung DSA आणि अभिनेत्री कनिका मान यांच्यात जोरदार वाद होताना दिसत आहे. कॅप्टन म्हणून घरातील नियम पाळण्यावरून Yung आणि कनिकामध्ये खडाजंगी झाल्याचं प्रोमोमध्ये पाहायला मिळतं. आता या वादामागचं नेमकं कारण काय आणि दोघांमध्ये काय घडलं, हे आजच्या एपिसोडमध्ये पाहायला मिळणार आहे.
निर्मात्यांनी नुकताच शोचा एक नवा प्रोमो शेअर केला आहे. या प्रोमोमध्ये Yung DSA आणि कनिका मान यांच्यात जोरदार वाद होताना दिसत आहे. कॅप्टन झाल्यानंतर Yung चा हा वेगळाच अवतार पाहून घरातील इतर सदस्यही हैराण झाले आहेत.
प्रोमोमध्ये Yung DSA वॉशरूममध्ये उभा राहून ईशा रिखीसोबत बोलताना दिसतो. यावेळी तो कनिका मानने पुरुषांच्या वॉशरूमचा वापर केल्याचा मुद्दा उपस्थित करतो.
Yung म्हणतो की, कनिकाला त्याने बाहेरून आवाज दिला, मात्र तिने त्याला उत्तर दिलं नाही. त्याच्या मते, कॅप्टन म्हणून त्याला किमान प्रतिसाद मिळायला हवा होता. यानंतर घरातील काही सदस्यही कनिकाला कॅप्टनचा आदर करण्याची गरज असल्याचं सांगताना दिसतात.
Promo: Kanika Mann vs Yung DSA 🔥🔥🔥 https://t.co/xe04XbgUqd — BBTak (@BiggBoss_Tak) September 10, 2026
यानंतर Yung कनिकाला याबाबत जाब विचारतो. मात्र, कनिका स्वतःची बाजू स्पष्ट करताना त्याला सुनावते. ती म्हणते की ती फक्त पाणी सुरू करत होती आणि त्याने तिच्याशी शांतपणे बोलायला हवं होतं. एवढा गोंधळ करण्याची गरज काय, असा सवालही ती करते.
कनिकाच्या या उत्तरानंतर Yungचा पारा चढतो. “माझा अपमान झाला आहे आणि माझा अपमान म्हणजे घराच्या नियमांचा अपमान आहे. आता सगळ्यांना शिक्षा होईल,” असं तो म्हणताना दिसतो.
‘तू कॅप्टन आहेस, राजा नाहीस’
Yungच्या या भूमिकेवर कनिका मानही चांगलीच संतापते. “तू फक्त घराचा कॅप्टन आहेस, राजा नाहीस. आम्ही तुझी सेवा करायला आलेलो नाही,” असं म्हणत ती त्याला सुनावते.
यानंतर Yungही तिला प्रत्युत्तर देतो. “तू घरातून बाहेर पडल्यावर तुला कळेल की Yung कोण आहे,” असं तो म्हणताना प्रोमोमध्ये दिसत आहे.
आजच्या एपिसोडमध्ये रंगणार वाद
Yung DSA आणि कनिका मान यांच्यातील हा वाद सोशल मीडियावर चर्चेचा विषय ठरला आहे. कॅप्टन बनल्यानंतर Yungचा बदललेला अंदाज आणि कनिकासोबत झालेला वाद पाहण्यासाठी प्रेक्षकांमध्ये उत्सुकता आहे.
या संपूर्ण प्रकरणावर 11 सप्टेंबरच्या ‘बिग बॉस 20’च्या एपिसोडमध्ये अधिक चर्चा होणार आहे. ‘बिग बॉस 20’चा एपिसोड JioHotstar वर रात्री 9 वाजता आणि Colors TV वर रात्री 10:30 वाजता पाहता येणार आहे.
.png "Videos"){kind=small}
