घरी लक्ष्मी आली! दीपिका पादुकोण-रणवीर सिंह पुन्हा झाले आई-बाबा
Deepika Padukone-Ranveer Singh: बॉलिवूडचे लोकप्रिय कपल दीपिका पादुकोण आणि रणवीर सिंह यांच्या घरी पुन्हा चिमुकलीचे आगमन झाले आहे. दीपिकाने 19 सप्टेंबर 2026 रोजी दुसऱ्या मुलीला जन्म दिला असून, दीपिका आणि रणवीर यांनी स्वतः सोशल मीडियावर पोस्ट शेअर करत ही आनंदाची बातमी चाहत्यांना दिली आहे. त्यांची पहिली मुलगी दुआ आता मोठी बहीण झाली आहे.
दीपिका आणि रणवीरने आपल्या पोस्टमध्ये बाळाच्या पावलाचे चित्र शेअर केले आणि नव्या चिमुकलीचे स्वागत करत जन्मतारीख 19 सप्टेंबर 2026 असल्याचे सांगितले. या पोस्टनंतर चाहत्यांकडून तसेच मनोरंजन क्षेत्रातील कलाकारांकडून दोघांवर शुभेच्छांचा वर्षाव सुरू झाला.
विशेष म्हणजे दुसऱ्या मुलीच्या जन्माच्या एक दिवस आधी, 18 सप्टेंबर रोजी दीपिका आणि रणवीर मुंबईतील सिद्धिविनायक मंदिरात दर्शनासाठी गेले होते. यावेळी रणवीरचे आई-वडीलही त्यांच्यासोबत होते. दोघांनी गणपती बाप्पाचे दर्शन घेत आशीर्वाद घेतले होते.
दीपिका आणि रणवीर यांच्या पहिल्या मुलीचे नाव दुआ पादुकोण सिंह आहे. दुआचा जन्म 8 सप्टेंबर 2024 रोजी झाला होता. यंदा 8 सप्टेंबरला दुआच्या दुसऱ्या वाढदिवसानिमित्त दीपिका-रणवीरने काही खास कौटुंबिक फोटोही शेअर केले होते. आता दुआला छोटी बहीण मिळाली आहे.
दीपिका आणि रणवीर यांनी 19 एप्रिल 2026 रोजी दुसऱ्या बाळाची चाहूल लागल्याची बातमी चाहत्यांसोबत शेअर केली होती. त्या पोस्टमध्ये दुआच्या हातात प्रेग्नन्सी टेस्ट दिसत होती. त्यानंतर दीपिकाच्या मॅटर्निटी फोटोंचीही सोशल मीडियावर मोठी चर्चा झाली होती. आता 19 सप्टेंबरला दुसऱ्या मुलीच्या जन्माची अधिकृत घोषणा करत दीपिका आणि रणवीरने चाहत्यांना आनंदाची बातमी दिली आहे.
.png "Videos"){kind=small}
