'अब आया ऊंट पहाड़ के नीचे', भारतात राहायचं असेल तर राजकीय आंदोलन नको; इम्रान खानची कोर्टात माफी, नेमकं प्रकरण
याप्रकरणी मुख्य न्यायमूर्ती महेश चंद्र त्रिपाठी आणि न्यायमूर्ती अद्वैत सेठना यांच्या खंडपीठासमोर या प्रकरणाची सुनावणी झाली. यावेळी न्यायालयाने इम्रान खानने ओसीआय (OCI – Overseas Citizen of India) कार्डधारक असल्याची आठवण करून दिली. ओसीआय कार्डधारकांना भारतीय नागरिकांप्रमाणे सर्व अधिकार मिळत नाहीत. भारतात राहून सरकार किंवा व्यवस्थेविरोधात राजकीय आंदोलनात सहभागी होण्याच्या त्यांच्या भूमिकेवर न्यायालयाने प्रश्न उपस्थित केले.
यावेळी न्यायालयाने उदाहरण देताना म्हटले की, एखादा भारतीय नागरिक अमेरिकेत जाऊन तेथील आंदोलनात सहभागी झाला असता, तर त्याला पुढच्या विमानाने भारतात परत पाठवण्यात आले असते. या उदाहरणातून न्यायालयाने इम्रान खान यांच्या भूमिकेवर नाराजी व्यक्त केली.
या सुनावणीदरम्यान न्यायालयाने इम्रान खानला आणखी एक महत्त्वाचा प्रश्न विचारण्यात आला असून इम्रान खान याचा जन्म भारतात झाला.लहानपणापासून येथेच वाढला असून त्याचे शिक्षणही भारतात झाले आणि त्यांनी बॉलिवूडमध्ये अभिनेता म्हणून ओळख निर्माण केली. असे असताना त्याने आतापर्यंत भारतीय नागरिकत्व का घेतले नाही, असा सवाल न्यायालयाने केला.
सुरुवातीला इम्रान खान यांनी यापुढे आंदोलनात सहभागी होणार नसल्याचे लेखी आश्वासन देण्याचा प्रयत्न केला होता. मात्र, न्यायालयाने केवळ आश्वासन पुरेसे नसल्याचे स्पष्ट केले. याचिकेवर विचार करण्यासाठी बिनशर्त माफी आवश्यक असल्याचे न्यायालयाने सांगितले. त्यानंतर इम्रान खान यांच्या वकिलांनी न्यायालयात बिनशर्त माफीनामा आणि प्रतिज्ञापत्र सादर केले.
इम्रान खानच्या माफीनाम्याची आणि प्रतिज्ञापत्राची दखल घेत न्यायालयाने त्यांना अंतरिम दिलासा दिला आहे. त्याच्यायाविरोधात जारी करण्यात आलेल्या ‘लीव्ह इंडिया नोटीस’वरील स्थगिती कायम ठेवण्यात आली आहे. त्यामुळे पुढील सुनावणीपर्यंत त्यांना भारतात राहता येणार आहे.
न्यायालयाने ‘वसुधैव कुटुंबकम्’ या तत्त्वाचाही उल्लेख केला. तसेच इम्रान खान यांना आपली बाजू मांडण्याची संधी देण्याचे निर्देश दिले. या प्रकरणाची पुढील सुनावणी ७ डिसेंबर २०२६ रोजी होणार आहे.
मुंबईतील ऑगस्ट क्रांती मैदानात निवडणूक आयुक्तांविरोधात राजकीय आंदोलन सुरू होते. या आंदोलनात बॉलिवूड अभिनेता इम्रान खान सहभागी झाले होते. त्यानंतर मुंबई पोलिसांनी त्यांना काही काळासाठी ताब्यात घेतले होते.
इम्रान खानचा जन्म भारतात झाला असला, तरी त्याच्याकडे अमेरिकेचे नागरिकत्व आहे. ते भारतात ओव्हरसीज सिटिझन ऑफ इंडिया (OCI) कार्डच्या माध्यमातून वास्तव्यास आहेत. या आंदोलनातील सहभागानंतर त्यांच्या विरोधात ‘लीव्ह इंडिया नोटीस’ जारी करण्यात आली होती. या नोटीसला त्याने न्यायालयात आव्हान दिले होते. आता न्यायालयाने त्यांच्या माफीनाम्याची दखल घेत अंतरिम दिलासा दिला असून, ७ डिसेंबरच्या सुनावणीत या प्रकरणात पुढे काय घडते, याकडे लक्ष लागले आहे.
Kaun Banega Crorepati: जिंकण्याआधीच मनं जिंकली! ऋषिकेशच्या दिलदार विचाराने माधुरी दीक्षितही थक्क
Ans: मुंबईतील ऑगस्ट क्रांती मैदानावर झालेल्या राजकीय आंदोलनात सहभागी झाल्यानंतर त्यांच्या विरोधात 'लीव्ह इंडिया नोटीस' जारी करण्यात आली होती. या प्रकरणी त्यांनी न्यायालयात बिनशर्त माफी मागितली.
Ans: यापुढे भारतातील कोणत्याही राजकीय आंदोलनात सहभागी होणार नसल्याचे प्रतिज्ञापत्र त्यांनी न्यायालयात सादर केले.
Ans: बॉम्बे हायकोर्टाने या प्रकरणाची पुढील सुनावणी ७ डिसेंबर २०२६ रोजी निश्चित केली आहे. तोपर्यंत 'लीव्ह इंडिया नोटीस'वरील स्थगिती कायम ठेवण्यात आली आहे.
.png "Videos"){kind=small}
