(फोटो सौजन्य - सोशल मीडिया)
ही कमिंग-ऑफ-एज रोमँटिक कॉमेडी चार नवोदित कलाकारांच्या आयुष्याभोवती फिरते. मैत्री, पहिलं प्रेम, हृदयभंग, स्वप्नं आणि तरुण वयात स्वतःला व आयुष्याला समजून घेण्याच्या गुंतागुंतीच्या प्रवासाची ही कथा आहे. चित्रपटात कुणाल रॉय कपूर, अनुराग बसु, नेहा धूपिया आणि अंजू अल्वा नाईक यांच्याही महत्त्वपूर्ण भूमिका आहेत.
प्राइम व्हिडिओ आणि अमेझॉन MGM स्टुडिओज इंडियाच्या ओरिजिनल्स विभागाचे डायरेक्टर आणि हेड निखिल माधोक म्हणाले, “डोंट बी शाय हा आमच्या सर्वात खास चित्रपटांपैकी एक आहे आणि अखेर त्याच्या ग्लोबल स्ट्रीमिंग प्रीमियरची घोषणा करताना आम्हाला अत्यंत आनंद होत आहे. या चित्रपटातून आरुषि, अंश, बियांका आणि पीयूष या चार अप्रतिम नव्या कलाकारांची ओळख प्रेक्षकांना होणार आहे. ते आपल्या व्यक्तिरेखांमध्ये ताजेपणा आणि प्रामाणिकपणा घेऊन आले आहेत. श्रीति मुखर्जी यांच्या दिग्दर्शनात आणि आलिया व शाहीन भट्ट यांच्या क्रिएटिव्ह दृष्टिकोनातून साकारलेला ‘डोंट बी शाय’ हा मैत्री, प्रेम आणि मोठं होण्याच्या सुंदर पण गुंतागुंतीच्या प्रवासाचा मनापासून साजरा करणारा चित्रपट आहे. प्रेक्षकांनी ‘शाय’च्या जगात पूर्णपणे रमावं, अशी आमची इच्छा आहे.”
आलिया भट्ट आणि शाहीन भट्ट, इंटरनल सनशाइन प्रोडक्शन्सच्या सह-संस्थापकांनी एका संयुक्त निवेदनात म्हटले, “डोंट बी शाय सुरुवातीपासूनच आमच्यासाठी अत्यंत खास राहिला आहे आणि हा चित्रपट अशा प्रकारे आकार घेताना पाहून आम्हाला खूप अभिमान वाटतो. हा चित्रपट तरुणपणातील त्या टप्प्याची खरी भावना मांडतो—तुम्हाला बदलून टाकणाऱ्या मैत्री, आयुष्यावर कायमचा ठसा उमटवणारं पहिलं प्रेम, दीर्घकाळ आठवत राहणारा हृदयभंग आणि हळूहळू आपण खरोखर कोण आहोत, हे समजून घेण्याचा प्रयत्न.
या अप्रतिम यंग कास्टबद्दल आम्हाला सर्वाधिक उत्साह आहे. त्यांची ऊर्जा, संवेदनशीलता आणि एकमेकांमधील केमिस्ट्री खरोखरच खास आहे आणि त्यांनी आपल्या व्यक्तिरेखांना जिवंत केलं आहे. भारतासह जगभरातील प्रेक्षकांनी ‘शाय’ची भेट घ्यावी आणि त्याच्या सुंदर, थोड्याशा गुंतागुंतीच्या जगाचा भाग व्हावं, याची आम्ही आतुरतेने वाट पाहत आहोत.”
प्राइम व्हिडिओ, भारतातील सर्वात मोठ्या एक्सक्लुझिव्ह ओरिजिनल्स स्ट्रीमिंग सेवांपैकी एक, ने आपल्या आगामी प्राइम ओरिजिनल चित्रपट ‘डोंट बी शाय’ च्या वर्ल्डवाइड प्रीमियरची तारीख २५ सप्टेंबर जाहीर केली आहे. भारतासह जगभरातील २४० हून अधिक देश आणि प्रदेशांमध्ये केवळ प्राइम व्हिडिओवर होणार आहे. हा चित्रपट हिंदी भाषेत इंग्रजी सबटायटल्ससह स्ट्रीम केला जाईल.
.png "Videos"){kind=small}
