Janhvi Kapoor: जाह्नवी कपूर होणार महाराष्ट्रातील मोठ्या राजकीय घराण्याची सून? लग्नाच्या प्लॅनबद्दल अभिनेत्रीने केला खुलासा

Janhvi Kapoor: ‘कॉफी विथ करण’मध्ये जाह्नवी कपूरने लग्नाच्या प्लॅनबद्दल खुलासा केला. शिखर पहाडिया कोण आहे, त्याचे सुशीलकुमार शिंदे यांच्याशी काय नाते आहे जाणून घ्या.

Janhvi Kapoor: बॉलिवूड अभिनेत्री जाह्नवी कपूर सध्या तिच्या वैयक्तिक आयुष्यामुळे चर्चेत आहे. अभिनेता वरुण धवनसोबत तिने करण जोहरच्या लोकप्रिय चॅट शो ‘कॉफी विथ करण’च्या नवव्या सीझनमध्ये हजेरी लावली. २८ ऑक्टोबर रोजी प्रसारित झालेल्या या एपिसोडमध्ये अर्जुन कपूरही विशेष पाहुणा म्हणून सहभागी झाला होता. शोमध्ये कलाकारांनी त्यांच्या वैयक्तिक आयुष्याबद्दल आणि नातेसंबंधांबद्दल मनमोकळ्या गप्पा मारल्या. याचदरम्यान जाह्नवीने तिच्या लग्नाच्या योजनांबद्दल केलेल्या वक्तव्याने सर्वांचे लक्ष वेधून घेतले.

पुढील दोन-तीन वर्षांत लग्नाचा विचार नाही!

करण जोहर त्याच्या शोमध्ये पाहुण्यांना त्यांच्या वैयक्तिक आयुष्याबद्दल थेट प्रश्न विचारण्यासाठी ओळखला जातो. जाह्नवीसोबतच्या संभाषणादरम्यान त्याने अभिनेत्रीला तिच्या लग्नाच्या योजनांबद्दल विचारले. यावर जाह्नवीने कोणताही संकोच न बाळगता, “पुढील दोन ते तीन वर्षांसाठी निश्चितपणे नाही,” असे उत्तर दिले.

जाह्नवीच्या या उत्तरावरून सध्या तरी लग्न करण्याची तिची घाई नसल्याचे स्पष्ट झाले. मात्र, तिने लग्नासाठी कोणतीही ठरावीक तारीख किंवा भविष्यातील योजना सांगितली नाही. तिचे लक्ष सध्या काम आणि चित्रपटांवर असल्याचे तिच्या वक्तव्यावरून दिसून आले.

शिखर पहाडियासोबतच्या नात्याचीही चर्चा

जाह्नवी कपूरचे नाव बऱ्याच काळापासून शिखर पहाडियासोबत जोडले जात आहे. दोघेही अनेकदा एकत्र दिसले आहेत. त्यामुळे त्यांच्या नात्याबद्दल नेहमीच चर्चा रंगत असते. मात्र, ‘कॉफी विथ करण’मध्ये जाह्नवीने शिखरसोबतच्या लग्नाबाबत कोणतीही तारीख किंवा तयारी जाहीर केली नाही. त्यामुळे ती लवकर लग्न करणार नाही.

जाह्नवी कपूरसोबतच्या नात्यामुळे चर्चेत असलेला शिखर पहाडिया हा उद्योजक आणि व्यावसायिक पोलो खेळाडू आहे. त्याचे वडील संजय पहाडिया हे व्यावसायिक आणि गुंतवणूकदार आहेत. तसेच महाराष्ट्राचे माजी मुख्यमंत्री सुशीलकुमार शिंदे हे शिखरचे आजोबा आहेत. त्यामुळे शिखरचे नाव महाराष्ट्रातील एका मोठ्या राजकीय कुटुंबाशीही जोडले जाते.

Ramayanam Song judi jodi : श्रीराम-सीतेच्या पवित्र प्रेमाचा सुरेल आविष्कार! करवा चौथनिमित्त ‘रामायणम्’चे ‘जुडी जोडी गाणं प्रदर्शित

ब्रेकअपनंतरही नात्यांवर विश्वास कायम

शोमधील संभाषणादरम्यान करण जोहरने जाह्नवीच्या कुटुंबात आणि मित्रपरिवारात झालेल्या काही ब्रेकअपचा उल्लेख केला. अनेक नाती तुटली असली, तरी या सगळ्यांनी एकमेकांची साथ सोडली नाही, असे तो म्हणाला. यावर उत्तर देताना जाह्नवीने सांगितले की, वैयक्तिक आयुष्यात अडचणी आल्या तरी ते एकमेकांना साथ देण्यात चांगले आहेत. कठीण काळात एकमेकांना कसे समजून घ्यायचे आणि आधार द्यायचा, हे त्यांना माहीत असल्याचेही तिने सांगितले.

खुशी कपूर आणि वेदांग रैनाला दिला खास सल्ला

करणने पुढे जाह्नवीला तिच्या जवळच्या व्यक्तींना डेटिंगबाबत काय सल्ला देईल, असे विचारले. त्याने वेदांग रैना आणि तिची बहीण खुशी कपूर यांचा उल्लेख केला. यावर जाह्नवीने वेदांगला जास्त विचार करण्याची सवय सोडण्याचा सल्ला दिला. तर खुशीला आता कोणत्याही सल्ल्याची गरज आहे, असे आपल्याला वाटत नसल्याचे ती म्हणाली.

‘कॉफी विथ करण’मधील या गप्पांमधून जाह्नवीच्या वैयक्तिक आयुष्याची, मित्रांसोबतच्या नात्यांची आणि लग्नाबाबतच्या विचारांची झलक पाहायला मिळाली. तिच्या वक्तव्यामुळे शिखर पहाडियासोबतच्या नात्याबद्दल चाहत्यांमध्ये पुन्हा एकदा उत्सुकता निर्माण झाली आहे.

Vandana Gupte: ‘….आणि त्यात काहीच चुकीचं नाही’ ‘आमने सामने’ नाटकावरून मोठा वाद, वंदना गुप्ते यांनी मांडली रोखठोक भूमिका