Kangana Ranaut: ‘Gen-Z’ला ‘Generation Gutter’ म्हणणं कंगना रणौतला पडलं महागात; FIR दाखल, कोर्टात सुनावणी होणार

Kangana Ranaut: कंगना रणौतने Gen-Z आंदोलकांना ‘Generation Gutter’ म्हटल्याप्रकरणी तिच्याविरोधात FIR दाखल करण्यात आली आहे. या प्रकरणाची कोर्टात २१ ऑगस्टला सुनावणी होणार आहे.

Kangana Ranaut: नीट पेपरफुटीच्या मुद्द्यावरून दिल्लीतील जंतर-मंतरवर सुरू असलेल्या विद्यार्थी आंदोलनावर अभिनेत्री आणि खासदार कंगना रणौतने सातत्याने प्रतिक्रिया दिल्या होत्या. याचदरम्यान तिने आंदोलन करणाऱ्या विद्यार्थ्यांना ‘गटर जनरेशन’ असं संबोधलं होतं. आता याच वक्तव्यामुळे कंगनाच्या अडचणी वाढल्या आहेत. आग्रा येथील राजीव गांधी बार असोसिएशनचे अध्यक्ष आणि वकील रामाशंकर शर्मा यांनी कंगना रणौतविरोधात आग्रा न्यायालयात गुन्हा दाखल केला आहे.

वकिलांचा आरोप आहे की, कंगनाच्या वक्तव्यामुळे केवळ देशातील विद्यार्थ्यांचाच नाही, तर त्यांच्या पालकांचाही अपमान झाला आहे. कंगनाला अशा प्रकारची वक्तव्यं करण्याची सवय असल्याचाही त्यांनी आरोप केला आहे.

२१ ऑगस्टला होणार सुनावणी

एएनआयच्या वृत्तानुसार, या प्रकरणाची २१ ऑगस्ट रोजी सुनावणी होणार आहे. वकील रामाशंकर शर्मा यांनी सांगितलं की, त्यांनी खासदार आणि आमदारांशी संबंधित प्रकरणांसाठी असलेल्या विशेष न्यायालयात हा खटला दाखल केला आहे.

हे प्रकरण कंगना रणौतने जंतर-मंतरवर आंदोलन करणाऱ्या विद्यार्थ्यांना ‘गटर जनरेशन’ म्हटल्याच्या वक्तव्याशी संबंधित असल्याचं त्यांनी सांगितलं. त्यांच्या मते, कंगनाच्या या वक्तव्यामुळे देशातील विद्यार्थी आणि त्यांच्या पालकांचा अपमान झाला आहे. तसेच, हे प्रकरण विद्यार्थ्यांच्या भविष्याशी संबंधित असल्याचंही त्यांनी म्हटलं.

Mamachya Govyala Jauya: ७ कोटींच्या बजेटमध्ये बनलेला ‘मामाच्या गोव्याला जाऊया’ बॉक्स ऑफिसवर हिट, टॉप १० मध्ये मिळवले स्थान

कंगना रणौत नेमकं काय म्हणाली होती?

कंगना रणौतने यापूर्वी आपल्या इंस्टाग्राम स्टोरीजवर ‘Gen-Z’च्या आंदोलनावर नाराजी व्यक्त केली होती. तिने आंदोलनाचे काही व्हिडिओ शेअर करत विद्यार्थ्यांच्या भाषेवर आणि वागणुकीवर प्रश्न उपस्थित केले होते.

एका व्हिडिओवर प्रतिक्रिया देताना कंगनाने आंदोलनातील तरुणांच्या भाषेवर आणि वागण्याच्या पद्धतीवर टीका केली होती. आंदोलन करणाऱ्या मुलींवरही तिने भाष्य केलं होतं. या पार्श्वभूमीवर तिने ‘Gen-Z’च्या या गटाला ‘गटर जनरेशन’ असं संबोधलं होतं.

नंतर Gen-Z बद्दल बदलली कंगनाची भूमिका?

विशेष म्हणजे, ७ ऑगस्ट रोजी कंगनाची Gen-Z बद्दलची भूमिका काहीशी वेगळी दिसली. संसदेबाहेर एएनआयशी बोलताना तिने Gen-Z ला देशाची ताकद आणि मोठी संपत्ती असल्याचं म्हटलं. तरुण पिढी भारतीय संस्कृती आणि ओळखीचे राजदूत म्हणून पुढे येत असल्याचा आनंद असल्याचंही तिने सांगितलं.

त्यामुळे कंगनाच्या आधीच्या ‘गटर जनरेशन’ वक्तव्याची आणि नंतरच्या Gen-Z संदर्भातील सकारात्मक भूमिकेचीही चर्चा होत आहे.

Urmila Matondkar: उर्मिला मातोंडकरची क्रिप्टिक पोस्ट चर्चेत; एक्स हसबंडवर टोला? ‘लॉयल्टी’चा उल्लेख करत साधला निशाणा?

‘क्वीन २’मुळेही चर्चेत

दरम्यान, कामाच्या आघाडीवर कंगना रणौत सध्या तिच्या आगामी ‘क्वीन २’ या चित्रपटामुळे चर्चेत आहे. तिच्या गाजलेल्या ‘क्वीन’ चित्रपटाचा हा सिक्वेल असून कंगनाने या चित्रपटाचं चित्रीकरण पूर्ण केलं आहे.