(फोटो सौजन्य- सोशल मीडिया)
Kareena Kapoor Education: बॉलिवूड अभिनेत्री करीना कपूर खान ही इंडस्ट्रीतील लोकप्रिय अभिनेत्रींपैकी एक आहे. करीना लवकरच मेघना गुलजार यांच्या ‘दायरा’ या चित्रपटात दिसणार आहे. आपल्या अभिनयासोबतच वैयक्तिक आयुष्यामुळेही ती कायम चर्चेत असते. मात्र, करीनाच्या शिक्षणाबाबतची एक गोष्ट अनेकांना आश्चर्यचकित करणारी आहे. तिने ११वी इयत्तेनंतरच शिक्षण सोडलं होतं. एका मुलाखतीदरम्यान करीनाने याबाबत भाष्य करताना शिक्षण पूर्ण न केल्याची खंत व्यक्त केली.
हनुमान दास यांना दिलेल्या मुलाखतीत करीना कपूरने तिच्या शिक्षणाबद्दल खुलासा केला. चित्रपटांच्या ऑफर्स येऊ लागल्यामुळे तिने ११वीतच शिक्षण सोडल्याचं तिने सांगितलं. अभिनयात करिअर करण्यासाठी तिने हा निर्णय घेतला; मात्र त्यानंतर शिक्षण पूर्ण करण्याची संधी तिला मिळाली नाही.
याबद्दल बोलताना करीना म्हणाली की, तिने शिक्षण कधीच पूर्ण केलं नाही आणि ही गोष्ट तिला आजही खटकते. तिच्यासमोर शिक्षण पूर्ण करण्याच्या संधी होत्या, मात्र तिने अभिनयाच्या क्षेत्रात पुढे जाण्याचा निर्णय घेतला.
आपल्या निर्णयाबद्दल बोलताना करीनाने सांगितलं की, लोक तिची शिक्षणामुळे अनेकदा चेष्टा करतात. मात्र, तिला अभिनेत्री व्हायचं होतं आणि त्याच दिशेने तिने वाटचाल सुरू केली.
करीना म्हणाली, “मला अभिनेत्री व्हायचे होते, त्यामुळे मी त्याच दिशेने वाटचाल सुरू केली. मला जे करायचे होते ते मी केलं. मी माझ्या मनाचं ऐकलं.”
स्वतःचं शिक्षण पूर्ण करता न आल्याची खंत करीनाला आहे. त्यामुळेच आपल्या दोन्ही मुलांनी म्हणजेच तैमूर आणि जेह यांनी त्यांचं शिक्षण पूर्ण करावं, अशी तिची इच्छा आहे. मुलांनी आधी शिक्षण पूर्ण करून त्यानंतर आपल्या मनाप्रमाणे करिअरची दिशा निवडावी, असा तिचा सल्ला आहे.
वयाच्या १९व्या वर्षी केलं बॉलिवूडमध्ये पदार्पण
करीना कपूरने वयाच्या १९व्या वर्षी जेपी दत्ता यांच्या ‘रिफ्युजी’ या चित्रपटातून बॉलिवूडमध्ये पदार्पण केलं. या चित्रपटात अभिषेक बच्चन मुख्य भूमिकेत होता. ‘रिफ्युजी’ हा करीनाचा पहिला चित्रपट ठरला.
विशेष म्हणजे, करीनाची मोठी बहीण करिश्मा कपूर हिनेही बॉलिवूडमध्ये करिअर करण्यासाठी शिक्षण पूर्ण केलं नव्हतं. करिश्माने वयाच्या १७व्या वर्षी हिंदी चित्रपटसृष्टीत प्रवेश केला.
.png "Videos"){kind=small}
