Vandana Gupte: ‘….आणि त्यात काहीच चुकीचं नाही’ ‘आमने सामने’ नाटकावरून मोठा वाद, वंदना गुप्ते यांनी मांडली रोखठोक भूमिका

Vandana Gupte: ‘आमने सामने’ या लोकप्रिय मराठी नाटकातील कलाकारांच्या मानधनवाढीवरून सुरू झालेल्या वादावर ज्येष्ठ अभिनेत्री वंदना गुप्ते यांनी प्रतिक्रिया दिली आहे. रोहन गुजर आणि केतकी विलास यांनी मानधनवाढ मागितल्यामुळे आपल्याला नाटकातून अचानक काढून टाकल्याचा आरोप केला आहे.

• ‘आमने सामने’ नाटकाच्या वादावर वंदना गुप्ते यांची प्रतिक्रिया.
• रोहन गुजर आणि केतकी विलास यांनी मानधनवाढीवरून काढल्याचा आरोप केला.
• कलाकारांना मानधनवाढ मागण्याचा हक्क असल्याचे वंदना गुप्ते म्हणाल्या.

Vandana Gupte Reacts to Aamne Samne Play Controversy: मराठी रंगभूमीवर सध्या सगळीकडे चर्चा आहे ती ‘आमने सामने‘ या नाटकाची. हे नाटक गेल्या काही महिन्यांपासून हाऊसफुल्ल चालू आहे. प्रेक्षकांना हे नाटक खूप आवडत आहे. पण आता या नाटकाचे पडद्यामागचे वाद समोर आले आहेत आणि रंगभूमीवर दोन गट पडले आहेत. नाटकात काम करणाऱ्या दोन कलाकारांना अचानक काढून टाकल्यामुळे हा सगळा वाद सुरू झाला आहे. Vandana Gupte:

नेमका वाद काय आहे?

या नाटकात रोहन गुजर आणि केतकी विलास हे दोन कलाकार काम करत होते. त्यांनी नाटकाच्या निर्मात्यांकडे मानधन वाढवून मागितले होते. त्यांना वाटले की नाटक यशस्वी होत आहे, आपली पण मेहनत आहे, त्यामुळे थोडे मानधन वाढले पाहिजे.

परंतु निर्माते असलेल्या लीना भागवत आणि मंगेश कदम यांनी त्यांना नाटकातून काढून टाकले. रोहन आणि केतकी यांचा आरोप आहे की फक्त पगार वाढवून मागितला म्हणून आम्हाला एका रात्रीतून काढलं.

‘त्या दीड हजारांसाठी तडकाफडकी रिप्लेस केलं’; रोहन गुजर-केतकी पालव यांचा …

यावर लीना भागवत आणि मंगेश कदम यांनी पण व्हिडिओ बनवून आपली बाजू सांगितली. त्यांच्या म्हणण्यानुसार, एकदा नाहीतर तीन वेळा मानधन वाढवून मागण्यात आले होते. त्यामुळे नाईलाजाने आम्हाला हा कठोर निर्णय घ्यावा लागला, असे त्यांनी स्पष्ट केले. या आरोप-प्रत्यारोपानंतर मराठी सृष्टीतील अनेक कलाकारांनी आपापली मतं मांडायला सुरुवात केली.

वंदना गुप्ते काय म्हणाल्या?

या सगळ्या प्रकरणावर ज्येष्ठ अभिनेत्री वंदना गुप्ते यांनी एक व्हिडिओ पोस्ट केला आहे आणि तो खूप व्हायरल होत आहे. त्यांनी दोन्ही बाजूंना समजावून सांगण्याचा प्रयत्न केला आहे.

वंदना गुप्ते व्हिडिओत म्हणाल्या, “लीना आणि मंगेश, मी तुमचा व्हिडिओ पाहिला. तुम्ही रडत होता ते बघून मला पण खूप वाईट वाटलं. आपण सगळे कलाकार आहोत, या परिस्थितीतून आपण पण गेलो आहोत. मला आठवतंय, माझं एका प्रयोगाचे 80 रुपये मानधन होतं, ते 100 रुपये करा म्हणून मी मोहन काकांकडे 15 वेळा गेले होते. मग 100 व्या प्रयोगाला त्यांनी माझं मानधन वाढवलं.”

पुढे त्या म्हणाल्या, “तुम्ही दोघेही कलाकार आहात, तुम्हाला या गोष्टी समजायला हव्यात. नाटक बंद करायचं असेल तर ठीक आहे, पण अशा पद्धतीने अचानक सांगायचं की आज तुमचा शेवटचा प्रयोग आहे, हे बरोबर नाही. उद्या कोणी तुमचा असा अपमान केला तर तुम्हाला चालेल का? मंगेश, तुला चालेल का? असं करू नये.”

See more

त्याच बरोबर त्यांनी रोहन आणि केतकी यांनाही समजावलं. त्या म्हणाल्या, “कलाकार म्हणून आपल्याला पगार वाढवून मागायचा पूर्ण अधिकार आहे. पण तीन-तीन वेळा वेगवेगळं मागणं हे पण योग्य नाही. तुम्ही पण थोडा विचार करायला हवा होता.”

Aamne Samne Natak: ‘आमने सामने’ नाटकातून रोहन-केतकीला अचानक …

वंदना गुप्ते पुढे म्हणाल्या की, “प्रत्येकाची गरज असते, प्रत्येकाचं स्टेटस वाढत असतं. मी स्वतः 50 वर्षे काम करून सुद्धा मानधन वाढवून मागायला घाबरते. पण आजची नवीन मुलं आहेत, त्यांना हक्काचं मागावं वाटतं आणि त्यात काहीच चुकीचं नाही. प्रत्येकाला वाटतं की नाटकाला यश मिळतंय तर त्यात आपलाही वाटा आहे. पण अशी वादावादी, भांडणं बरी नाहीत.”

शेवटी त्या म्हणाल्या, “मी हे एक कलाकार म्हणून बोलतेय, निर्माता म्हणून नाही. हा वाद असा वाढवू नका.” वंदना गुप्ते यांच्या या रोखठोक व्हिडिओनंतर अनेक कलाकारांनी त्यांना पाठिंबा दिला आहे. कमेंटमध्ये अनेकांनी लिहिलं आहे की तुम्ही दोन्ही बाजू अगदी योग्य पद्धतीने मांडल्या. आता हा वाद कसा मिटतो हे बघणं महत्त्वाचं ठरणार आहे.