(फोटो सौजन्य- इन्स्टाग्राम)
बिग बॉस मराठी सीझन ६ हा शो सध्या खूप रंजक होत चालला आहे. प्रत्येक स्पर्धक स्वत: ला सिद्ध करण्यासाठी आणि प्रेक्षकांची मने जिंकण्यासाठी सर्वस्व पणाला लावत आहेत. शंभर दिवसांच्या या आव्हानात्मक प्रवासातील 70 दिवस प्रेक्षकांनी पूर्ण केले असून आता खेळ शेवटच्या टप्प्यात आला आहे. बिग बॉस मराठीच्या सीझन ६ चे आता 30 दिवस बाकी आहेत.त्यामुळे घरातील वातावरण खूप भावूक आणि आनंदाचे झाल्याचे आपण पाहिले. पण या आठवड्यात कोण घराबाहेर जाणार याकडे मात्र सर्वांचे लक्ष लागले होते. बिग बॉस मराठी 6 च्या घरातून या आठवड्यात कोण बाहेर पडणार याची धाकधूक सगळ्यांना लागली आहे. अखेर त्या सदस्याचं नाव समोर आलं आहे. छोटा डॉन प्रभू शेळके घराबाहेर पडल्याची चर्चा आहे.
नुकताच बिग बॉसच्या घरात फॅमिली वीक पार पडला त्यामुळे घरातील वातावरण अत्यंत भावूक आणि आनंदाचे पाहायला मिळाले. या आठवड्यात स्पर्धकांच्या कुटुंबीयांनी बिग बॉसच्या घरात एन्ट्री केली. यामध्ये प्रत्येक सदस्य आपल्या कुटुंबातील व्यक्तींना भेटून खूप खूश होता. मात्र आता या आठवड्यात कोणता स्पर्धक घराबाहेर जाणार याचे नाव समोर आले आहे.
सुरूवातीपासूनच प्रभू शेळकेने बिग बॉस मराठीच्या घरात गेम खेळायला सुरूवात केली होती. त्याची आणि तन्वी कोलतेची चांगली मैत्री झाली. टास्कमध्येही छोटा डॉन म्हणून ओळखल्या जाणाऱ्या प्रभूने त्याची पॉवर दाखवली होती. मात्र त्याला आता या आठवड्यात घराचा निरोप घ्यावा लागणार असल्याची माहिती मिळत आहे. बिग बॉस मराठीचे अपडेट्स देणाऱ्या एक इन्स्टाग्राम पेजवरून या आठवड्यात प्रभू शेळके घराबाहेर जाणार असल्याचं म्हटंल आहे. त्यामुळे त्याच्या चाहत्यांना मोठी धक्का बसला आहे. या पोस्टवर चाहत्यांनी तशा कमेंट्स देखील केल्या आहेत.
बिग बॉस मराठीच्या घरात प्रभू हा एक स्ट्रॉंग स्पर्धक मानला जात होता. प्रभूने त्याचा गेमही चांगला सुधारला होता. मात्र आता त्याला घरातून बाहेर जावं लागणार असल्याचे बोललं जात आहे.
.png "Videos"){kind=small}
