(फोटो सौजन्य - सोशल मीडिया)
‘बिग बॉस मराठी 6’च्या घरातील सुरांची राणी आणि शांत, संयमी खेळासाठी ओळखली जाणारी प्राजक्ता शुक्रे अखेर घरातून बाहेर पडली आहे. रविवारी ‘भाऊंचा धक्का’ या एपिसोडमध्ये तिच्या एलिमिनेशनने संपूर्ण घरात एक वेगळीच शांतता पसरली. तिच्या बाहेर पडण्याने विशेषतः ‘बाल्कनी ग्रुप’ला मोठा धक्का बसल्याचं पाहायला मिळाले आहे.
घरात नेहमी शांतपणे आणि समजूतदारपणे गेम खेळणाऱ्या प्राजक्ता शुक्रेने प्रेक्षकांच्या मनात आपली वेगळी छाप निर्माण केली होती. वादांपासून दूर राहून, टास्कमध्ये सातत्याने चांगली कामगिरी करत तिने स्वतःचा गेम मजबूत ठेवण्याचा प्रयत्न केला. त्यामुळे तिचं अचानक झालेलं एलिमिनेशन अनेकांसाठी धक्कादायक ठरलं आहे. घरातून बाहेर आल्यानंतर प्राजक्ता शुक्रेने नवराष्ट्रासोबत भरभरून गप्पा मारल्या. आणि तिने घरातील सदस्यांचा देखील गेम उघड केला आहे.
सुबोध भावेच्या दमदार आवाजात “फुला”चा टीझर रिलीज! वाघ्या-मुरळी संस्कृतीवर भाष्य करणारा चित्रपट
तिने सांगितलं की, बिग बॉसच्या घरातला तिचा प्रवास खूप खास होता आणि प्रत्येक क्षण तिने मनापासून अनुभवला. तिने प्रेक्षकांचे आणि चाहत्यांचे आभार मानत त्यांच्या प्रेमामुळेच इतक्या दिवसांपर्यंत टिकून राहता आलं, असंही नमूद केलं. प्राजक्ताला तू घराबाहेर पडणं फेअर होतं की अनफेअर होतं? असं विचारले असता प्राजक्ता म्हणाली, ‘हो, मी आणखी राहायला हवं होतं ‘बिग बॉस’च्या घरात, कारण मी गेम खूप चांगला खेळली आहे माझ्या पद्धतीने आणि मला टास्क लवकर समजायचे.’ इतरांच्या पद्धती टास्क खेळायच्या वेगळ्या होत्या, ‘बिग बॉस’च्या घरात सदस्यांचा आरडा- ओरड करण्याचा गेम होता. परंतु मला तसे समजले नाही, मी नेहमीच माझ्या शैलीत प्रत्येक टास्क रंगवला आहे. म्हणून मला वाटतं की ‘बिग बॉस’च्या घरात आणखी काही दिवस राहण्यास मी पात्र होते.’
‘बिग बॉस’च्या घरात असा कोणता धक्का तुला मिळाला आहे, ज्या सदस्यावर तू विश्वास ठेवला आणि त्याचा तुला धक्का मिळाला? याबद्दल सांगताना प्राजक्ता म्हणाली, “‘बिग बॉस’च्या घरात चावीच्या भागात जे घडलं ते माझ्यासाठी धक्कादायक होतं, कारण मी विशालवर खूप विश्वास ठेवला होता. आणि त्याने त्याचा फायदा उचलला मला या गोष्टीचे खूप वाटले होते तेव्हा, राकेशबद्दल बोलायचे झाले तर, तो माझ्या समोर तोंडावर काही वेगळं बोलायचा आणि गेम त्याचा वेगळा खेळायचा. ती ॲक्शनमध्ये सतत मला नॉमिनेट करत होता हे मला खूप वाईट वाटलं. ‘
तसेच, सदस्यांच्या गेमबद्दल बोलताना प्राजक्त पुढे म्हणाली, ”बिग बॉस’च्या घरात कोणीच खरं वागत नाही आहे, सगळेच आपआपला गेम खेळतायत आणि त्यांच्या सोईनुसार वागतायत हे मला समजलं.’ असे म्हणत प्राजक्ताने घरातील सदस्यांचा गेम उघड केला आहे. एकूणच, प्राजक्ता शुक्रेचा ‘बिग बॉस मराठी 6’मधील प्रवास संपला असला, तरी तिच्या खेळाची आणि व्यक्तिमत्त्वाची चर्चा मात्र पुढेही कायम राहणार आहे. आणि ती तिच्या पुढच्या आयुष्यात नेहमीच प्रेक्षकांचं मनोरंजन करताना दिसणार आहे.
.png "Videos"){kind=small}
