Vishakha Subhedar On Maharashtrachi Hasyajatra: (फोटो सौजन्य- सोशलमीडिया)
महाराष्ट्राची हास्यजत्रा म्हटलं की डोळ्यासमोर येतात ते सगळे विनोदी कलाकार समोर येतात. त्यामधील एक म्हणजे विशाखा सुभेदार आहे. अनेक वर्ष विशाखाने हास्य जत्रेमध्ये काम करत सगळ्यांना हसवलं. तिच्या एकेका स्किटची लोक आजही आठवण काढतात. मात्र आता तिने कार्यक्रमातून ब्रेक घेतला आहे. Vishakha Subhedar On Maharashtrachi Hasyajatra:
विशाखा कुठे गेली? तिने शो का सोडला? आता तिनेच एका मुलाखतीत याचं उत्तर दिलं आहे.११ वर्ष एकच काम केलं, आता थांबावं वाटलं विशाखाने सांगितलं, मी २०११ पासून ते २०२२ पर्यंत सतत स्किटच करत होते. रोज तेच, दर आठवड्याला नवीन स्किट, नवीन पात्र. सुरुवातीला खूप मजा यायची, पण नंतर वाटलं की एकाच ठिकाणी अडकले आहे.
ती म्हणाली, “लोक आजही नाटकाला आले की विचारतात, तुम्ही हास्यजत्रा का सोडली? आम्ही तुम्हाला मिस करतो. हे ऐकून बरं वाटतं. लोक माझ्या जुन्या स्किटचं नाव घेऊन सांगतात. पण मला एक ब्रेक हवा होता. सतत तेच करत होते म्हणून थोडं थांबायचं होतं.”कम्फर्ट झोनच्या बाहेर यायचं होतंतिचं एक वाक्य खूप महत्वाचं आहे. ती म्हणाली, आपण एकदा कम्फर्ट झोनमध्ये आलो की आपण आळशी होतो. सगळं सेट असतं, पगार वेळेवर येतो, EMI भरले जातात. पण तिथेच आपली वाढ थांबते.
हास्यजत्रा सोडणं तिच्यासाठी सोपं नव्हतं. कारण महिन्याचा खर्च, घराचं EMI, सगळं त्या शोवर अवलंबून होतं. एका कलाकारासाठी कामातून ब्रेक घेणं म्हणजे मोठा धोका असतो. पण तरीही तिने तो धोका घेतला.तिला वाटलं की कॉमेडीच्या बाहेर पण मी काहीतरी करू शकते. लोक मला विनोदी अभिनेत्री म्हणून ओळखतात, याचा मला अभिमान आहे. पण मला वेगळ्या भूमिका पण करायच्या आहेत. एक कलाकार म्हणून मला स्वतःला अजून तपासून बघायचं होतं.ती असं पण म्हणाली की याचा अर्थ असा नाही की मी कॉमेडी सोडली. मी अजूनही नाटकात कॉमेडीच करते. फक्त स्किटचा जो फॉरमॅट आहे, त्यातून मी थोडा वेळ बाजूला झाले आहे.
यावर ती म्हणाली, हो, कदाचित एक दोन वर्षांनी मी परत येईन. आजही मी हास्यजत्रेचे एपिसोड बघते. तेव्हा वाटतं, अरे हा सीन मी केला असता तर? ही जागा माझी असती तर मी कसं केलं असतं? असं मनात येतं. सिनेमाच्या वेळी पण असंच होतं, दुसऱ्याची भूमिका बघून वाटतं की ही मी केली असती तर बरं झालं असतं.पण शेवटी ती म्हणाली, नशिबात जे लिहिलंय तेच मिळतं.तिने ही सगळी मनातली गोष्ट ‘सिनेविस्टा मराठी’ ला दिलेल्या मुलाखतीत सांगितली.एकूणच बघितलं तर विशाखाने शो प्रसिद्धीसाठी नाही तर स्वतःच्या वाढीसाठी सोडला. तो निर्णय धाडसी होता. पण एका खऱ्या कलाकाराला असाच निर्णय घ्यावा लागतो.
.png "Videos"){kind=small}
