( फोटो सौजन्य- सोशल मीडिया)
Mohsin Khan Engagement: ‘ये रिश्ता क्या कहलाता है’ या लोकप्रिय मालिकेतून घराघरांत पोहोचलेला अभिनेता मोहसिन खान सध्या चर्चेत आहे. मोहसिनने नुकताच साखरपुडा केला असून त्याने ही आनंदाची बातमी सोशल मीडियावर चाहत्यांसोबत शेअर केली आहे. अभिनेत्याने मंगेतर तमन्नासोबतचे काही खास फोटो पोस्ट करत तिचा चेहराही पहिल्यांदाच चाहत्यांसमोर आणला आहे.
मोहसिनने तमन्नासोबतचा एक रोमँटिक फोटो शेअर करत तिच्यासाठी खास चिठ्ठी लिहिली. त्याने तमन्नाच्या स्वभावाचे कौतुक करत तिच्यासोबत आयुष्याची नवी सुरुवात करण्याचा आनंद व्यक्त केला. आपल्या भावनिक पोस्टमध्ये त्याने “मला माझा जीवनसाथी सापडला होता” अशा शब्दांत आपल्या भावना व्यक्त केल्या.
साखरपुड्याच्या खास सोहळ्यात मोहसिन खान क्लासिक ब्लॅक टक्सीडोमध्ये डॅशिंग दिसत होता. पांढरा शर्ट, लाल टाय आणि त्याला मॅचिंग पॉकेट स्क्वेअर असा त्याचा लूक होता. तर तमन्नाने सिक्विन्स आणि आकर्षक कट असलेला लाल रंगाचा फ्लोअर-लेंथ गाऊन परिधान केला होता. मिनिमल ज्वेलरी आणि ग्लॅमरस मेकअपमुळे तिचा लूक आणखी खुलून दिसत होता.
या दोघांनी साखरपुड्याच्या हिऱ्याच्या अंगठ्यांसोबतही फोटोसाठी पोझ दिली. तमन्नाच्या अंगठीतील मोठा हिरा विशेष चर्चेचा विषय ठरला. एका क्लोज-अप फोटोमध्ये तमन्ना कॅमेऱ्यासमोर आपली एंगेजमेंट रिंग फ्लॉन्ट करताना दिसत आहे, तर मोहसिन तिच्या शेजारी हसताना दिसतो.
तमन्नासाठी लिहिलेल्या आपल्या खास पोस्टमध्ये मोहसिनने त्यांच्या पहिल्या भेटीची आठवण सांगितली. “जेव्हा आपण पहिल्यांदा एकमेकांना पाहिले, जेव्हा मी पहिल्यांदा तुझा हात धरला…” असे म्हणत त्याने त्या खास क्षणांना उजाळा दिला.
मोहसिनने पुढे सांगितले की, त्या क्षणी त्याला आपला जीवनसाथी सापडल्याची जाणीव झाली होती. त्याने त्यांच्या नात्याला नशिबाची साथ असल्याचेही म्हटले. प्रेम, मैत्री आणि आयुष्यभराच्या आठवणींसोबत हा नवा प्रवास सुरू करत असल्याचा आनंद त्याने व्यक्त केला.
Avadhoot Gupte: अवधूत गुप्तेंची ‘सारेगमप’मध्ये दमदार कमबॅक! नव्या पिढीच्या सुरांचा घेणार वेध
मोहसिनच्या मंगेतर तमन्नाबद्दल अद्याप फारशी माहिती समोर आलेली नाही. ती नेमकं काय काम करते किंवा तिचा मनोरंजन क्षेत्राशी संबंध आहे का, याबाबतही अधिकृत माहिती उपलब्ध नाही. सोशल मीडियावर ती @tammerrrrz या नावाने सक्रिय असल्याचे दिसते. तिच्या प्रोफाइलच्या बायोमध्ये “सर्व स्तुती परमेश्वरासाठी आहे” असे लिहिले आहे.
मोहसिन आणि तमन्नाच्या साखरपुड्याचे फोटो समोर आल्यानंतर चाहत्यांनी या नव्या जोडप्यावर शुभेच्छांचा वर्षाव केला आहे
.png "Videos"){kind=small}
