रझा मुराद यांनी व्यक्त केली नाराजी (फोटो सौजन्य - IANS)
रझा मुराद यांनी नुकताच त्यांच्या इन्स्टाग्रामवर एक व्हिडिओ शेअर करून मुश्ताक खान यांच्या निधनाबद्दल दुःख व्यक्त केले आहे. त्यांनी अंत्यसंस्काराला बॉलिवूड कलाकारांच्या अनुपस्थितीवरही प्रश्नचिन्ह उपस्थित केले आहे.
रझा मुराद म्हणाले, ‘हे दुर्दैवी आहे की त्यांना अखेरचा निरोप देण्यासाठी एकही स्टार आला नाही. त्यांचे अनेक सहकारी आणि अभिनेते उपस्थित राहिले, पण एकही प्रमुख व्यक्ती आली नाही.’ ते पुढे म्हणाले, ‘जर एखाद्या उद्योगपतीच्या मुलाचे लग्न असते, तर हे स्टार्स केवळ उपस्थितच राहिले नसते, तर वेटरप्रमाणे पाहुण्यांची सेवाही केली असती, पण ज्या माणसाने चित्रपटसृष्टीला ५० वर्षे समर्पित केली, त्याच्या अंत्यसंस्काराला कोणीही उपस्थित राहिले नाही.’
रझा मुराद यांनी कोणत्याही विशिष्ट सेलिब्रिटींचे नाव घेतले नाही, पण काही अभिनेते मुश्ताक खान यांच्या अंत्यविधीला उपस्थित राहण्यासाठी ५० मिनिटेही देऊ शकले नाहीत, हे पाहून दुःख झाल्याचे ते म्हणाले. रझा मुराद पुढे म्हणाले की, ‘त्यांनी कोणाचीही खुशामत केली नाही; ते केवळ त्यांच्या कामाच्या जोरावर इथपर्यंत पोहोचले होते.’ आपले म्हणणे संपवताना, रझा मुराद यांनी सर्वांना आठवण करून दिली की पैसा आणि प्रसिद्धी नेहमीच हातात हात घालून येत नाहीत.
Mushtaq Khan : प्रसिद्ध अभिनेते मुश्ताक खान यांचे निधन, कॅन्सरने केला घात
मुश्ताक खान यांचे २४ सप्टेंबर रोजी निधन झाले. गेल्या काही दिवसांपासून ते रुग्णालयात दाखल होते आणि गुरुवारी त्यांनी अखेरचा श्वास घेतला. ते कर्करोगाशी झुंज देत होते. तर काही कलाकारांनी अंत्यविधीला हजेरी लावली. अन्नू कपूर, गजेंद्र चौहान, रजत बेदी, जया भट्टाचार्य आणि राजपाल यादव यांच्यासह इतर अनेक जण २५ सप्टेंबर रोजी त्यांच्या अंत्यविधीला उपस्थित होते. मुश्ताक खान यांच्या मुलाने त्यांच्या शेवटच्या प्रवासाबाबतही सांगितले.
.png "Videos"){kind=small}
