रविवार, 27 सप्टेंबर 2026
(फोटो सौजन्य- सोशल मीडिया)
रवी तेजाच्या या चित्रपटाचा Netflixवर 18 सप्टेंबर रोजी प्रीमियर झाला. प्रदर्शित झाल्यापासून हा चित्रपट ट्रेंडिंग यादीत आघाडीवर असल्याचं पाहायला मिळत आहे. चित्रपटातील काही दृश्ये सोशल मीडियावरही व्हायरल होत असून, रवी तेजाच्या अभिनयाचं कौतुक केलं जात आहे.
विशेष म्हणजे, ‘इरूमुडी’ने Netflixच्या ट्रेंडिंग यादीत अभिनेता सूर्याच्या ‘विश्वनाथ अँड सन्स’ या चित्रपटालाही मागे टाकल्याचं समोर आलं आहे. त्यामुळे सध्या सोशल मीडियावर या चित्रपटाची चांगलीच चर्चा रंगली आहे.
मुलीच्या मृत्यूनंतर बदलतो त्रिनाधचा आयुष्याचा मार्ग
‘इरूमुडी’ची कथा त्रिनाध नावाच्या व्यक्तीभोवती फिरते. त्रिनाध पत्नी कावेरी आणि मुलगी मणिकांतसोबत राहत असतो. सुरुवातीला त्याचा स्वभाव भांडखोर आणि मारामारी करणारा असतो. मात्र, मुलीसाठी तो स्वतःमध्ये बदल घडवून आणतो आणि शांत राहण्याची शपथ घेतो.
यानंतर त्रिनाध आपल्या कुटुंबासोबत सुखाने आयुष्य जगत असतो. मात्र, त्याच्या या शांत आयुष्याला अचानक धक्का बसतो. त्याच्या मुलीचा रहस्यमयरीत्या मृत्यू होतो आणि त्यानंतर कथेला एक वेगळंच वळण मिळतं.
गावातील मुलींच्या रहस्यमय बेपत्ता होण्याचं गूढ
मुलीच्या मृत्यूनंतर त्रिनाधला आणखी एक धक्कादायक गोष्ट समजते. त्याच्या गावातील अनेक मुली रहस्यमयरीत्या गायब होत असल्याचं त्याच्या लक्षात येतं. यानंतर तो आपलं मौनव्रत सोडतो आणि या मुलींना न्याय मिळवून देण्यासाठी गुन्हेगारांविरोधात लढण्याचा निर्णय घेतो.
चित्रपटाच्या क्लायमॅक्समध्ये या संपूर्ण प्रकरणामागचं मोठं रहस्य दडलं असल्याचं सांगितलं जात आहे. हे रहस्य जाणून घेण्यासाठी प्रेक्षकांना ‘इरूमुडी’ Netflixवर पाहावा लागेल.
या चित्रपटात रवी तेजाने त्रिनाधची भूमिका साकारली आहे. त्याच्यासोबत प्रिया भवानी शंकर, रमेश इंदिरा, कार्तिक अडुसुमल्ली, अजय घोष आणि राजकुमार कासिरेड्डी हे कलाकारही महत्त्वाच्या भूमिकांमध्ये आहेत.
चित्रपटाचं दिग्दर्शन शिव निर्वाणा यांनी केलं आहे. अॅक्शन, थ्रिलर आणि रहस्याचा संगम असलेल्या या चित्रपटाला सोशल मीडियावरही प्रेक्षकांकडून प्रतिक्रिया मिळत आहेत. त्यामुळे Netflixच्या ट्रेंडिंग यादीतील ‘इरूमुडी’कडे सध्या सिनेप्रेमींचं लक्ष वेधलं गेलं आहे.
