मंगळवार, 18 ऑगस्ट 2026
(फोटो सौजन्य- सोशल मिडिया)
Pulkit Samrat Health: प्रसिद्ध बॉलिवूड अभिनेता पुलकित सम्राट सध्या मलेरियाशी झुंज देत आहे. आपल्या फिटनेस आणि दमदार शरीरयष्टीसाठी ओळखला जाणारा पुलकित आजारपणामुळे शारीरिकदृष्ट्या कमजोर झाला आहे. अभिनेत्याने सोशल मीडियावर पोस्ट शेअर करत आपल्या प्रकृतीची माहिती दिली आहे. त्याच्या या पोस्टनंतर चाहते चिंतेत असून, त्याच्या लवकर बरे होण्यासाठी प्रार्थना करत आहेत.
पुलकितने त्याच्या प्रकृतीत सुधारणा होत असतानाचा एक फोटो इन्स्टाग्राम स्टोरीवर शेअर केला. या पोस्टमधून त्याने मलेरियाचा त्याच्या शरीरावर झालेला परिणाम सांगितला.
कडक फिटनेस रुटीनसाठी ओळखल्या जाणाऱ्या पुलकितने सांगितलं की, मलेरियाचा त्याच्या शरीरावर अपेक्षेपेक्षा अधिक गंभीर परिणाम झाला आहे. या आजारामुळे त्याचं २.५ किलो वजन कमी झालं असून, त्याची बरीच शक्तीही कमी झाली आहे.
(फोटो सौजन्य- सोशल मिडिया)
शारीरिक कमजोरीचा सामना करत असतानाही पुलकितने सकारात्मक दृष्टिकोन कायम ठेवला आहे. आपल्या पोस्टमध्ये त्याने लिहिलं, “मलेरियाचा माझ्या अपेक्षेपेक्षा जास्त गंभीर परिणाम झाला आहे. माझे २.५ किलो वजन आणि बरीच शक्ती कमी झाली आहे. पण मला माझ्या शरीराची चांगली ओळख आहे. आपण हे शरीर यापूर्वीही घडवले आहे आणि पुन्हा घडवू.”
पुलकितच्या या सकारात्मक विचारांनी त्याच्या चाहत्यांचंही मन जिंकलं आहे. आजारपणामुळे फिटनेसवर परिणाम झाला असला तरी पुन्हा पूर्वीची ताकद आणि शरीरयष्टी मिळवण्याचा आत्मविश्वास त्याने व्यक्त केला आहे.
पुलकितने आपल्या तब्येतीबाबत माहिती दिल्यानंतर चाहते, मित्र आणि हितचिंतक त्याच्या प्रकृतीबद्दल काळजी व्यक्त करत आहेत. सोशल मीडियावर कमेंट्स आणि मेसेजच्या माध्यमातून चाहते त्याला लवकर बरे होण्यासाठी शुभेच्छा देत आहेत.
सध्या पुलकित आपली गमावलेली ताकद परत मिळवण्यावर लक्ष केंद्रित करत आहे. लवकरच तो पुन्हा आपल्या नेहमीच्या फिटनेस रुटीनमध्ये परतेल, अशी आशा त्याचे चाहते व्यक्त करत आहेत.
