संग्रहित फोटो
पोलिसांनी दिलेल्या माहितीनुसार, जरीना सिराज्जोद्दीन शेख (वय २८, रा. घर क्र. ८०९/२६९९, मुल्तानपुरा) असे आत्महत्या केलेल्या विवाहितेचे नाव आहे. सन २०२१ पासून ते शनिवारी (दि. १४) दुपारी अडीच वाजेपर्यंत जरीना यांना सासरच्या मंडळींकडून सातत्याने त्रास दिला जात होता. संशयित पती सिराज्जोद्दीन अलीमोद्दीन शेख, मोठा दीर फजलुद्दीन अलीमोद्दीन शेख, दीर सरफोद्दीन अलीमोद्दीन शेख आणि जेठाणी रेहाना फजलुद्दीन शेख हे जरीना यांना घरगुती कारणांवरून वेळोवेळी टोमणे मारत होते. तसेच शिवीगाळ व दमदाटी करत हाताचापटीने मारहाण करून त्यांचा शारीरिक व मानसिक छळ केला जात होता.
चौघांविरुद्ध आत्महत्येस प्रवृत्त केल्याप्रकरणी गुन्हा
या सततच्या जाचाला व अपमानाला कंटाळून अखेर जरीना यांनी शनिवारी (दि. १४) दुपारी राहत्या घरी गळफास घेऊन आपले जीवन संपवले. या घटनेची माहिती मिळताच मयत जरीना यांचा भाऊ अब्रार मन्नान सय्यद (वय ३०, व्यवसाय किराणा दुकान, रा. मंठा, जि. जालना) यांनी तातडीने नाशिक गाठत भद्रकाली पोलीस ठाण्यात रीतसर तक्रार नोंदवली. त्यानुसार पोलिसांनी चौघा संशयितांविरुद्ध भारतीय न्याय संहितेच्या कलम १०८, ३(५) अन्वये गुन्हा दाखल केला आहे. कौटुंबिक कलहामुळे एका निष्पाप विवाहितेला प्राण गमवावा लागल्याने सर्वत्र हळहळ व्यक्त होत असून, या प्रकरणाचा पुढील तपास वरिष्ठ पोलीस निरीक्षक चौधरी यांच्या मार्गदर्शनाखाली महिला सहायक पोलीस निरीक्षक सविता सदावर्ते करीत आहेत.
Ans: जरीना सिराज्जोद्दीन शेख (वय २८) असे आत्महत्या केलेल्या विवाहितेचे नाव आहे. त्या मुल्तानपुरा, जुने नाशिक परिसरात राहत होत्या.
Ans: पोलिसांच्या माहितीनुसार, सासरच्या मंडळींकडून सातत्याने शारीरिक व मानसिक छळ, शिवीगाळ, दमदाटी आणि मारहाण केली जात असल्याने त्या त्रस्त होत्या. या त्रासाला कंटाळून त्यांनी आत्महत्या केल्याचा आरोप आहे.
Ans: मयत जरीना यांच्या भावाने दिलेल्या फिर्यादीवरून पती सिराज्जोद्दीन शेख, दोन दीर फजलुद्दीन शेख व सरफोद्दीन शेख आणि जेठाणी रेहाना शेख अशा चौघांविरुद्ध आत्महत्येस प्रवृत्त केल्याप्रकरणी भद्रकाली पोलीस ठाण्यात गुन्हा दाखल करण्यात आला आहे.






