(फोटो सौजन्य- सोशल मीडिया)
गुरुवारी रात्री मुंबईत झालेल्या ‘ओह माय डॉग’च्या स्पेशल स्क्रीनिंगला रवीना टंडन उपस्थित होती. कार्यक्रमादरम्यान ती एका कुत्र्यासोबत प्रेमाने संवाद साधताना आणि पापाराझींसाठी त्याच्यासोबत पोझ देताना दिसली.
The Paradise Teaser: 20 कोटी व्ह्यूजनंतर ‘द पॅराडाइज’चा टीझर रिलीज; नानीचा दमदार अंदाज पुन्हा चर्चेत
मात्र, रवीना एकटी फोटोसाठी उभी राहिल्यानंतर अचानक कुत्र्याचे लक्ष तिच्या पिवळ्या ड्रेसवरील लटकणाऱ्या दोरीकडे गेले. त्याने भुंकत ती दोरी दातांनी पकडली. काही क्षण गोंधळाचे वातावरण निर्माण झाले, मात्र सुदैवाने रवीना कोणत्याही दुखापतीशिवाय बचावली.
या संपूर्ण प्रसंगात रवीना टंडनने घाबरून न जाता शांतपणे परिस्थिती हाताळली. तिचा संयम पाहून प्रशिक्षकांनी तात्काळ कुत्र्याला नियंत्रणात आणले. विशेष म्हणजे, प्रसंग शांत झाल्यानंतर रवीनाने पुन्हा त्या कुत्र्याला प्रेमाने कुरवाळले आणि तिच्या प्राणिप्रेमी स्वभावाची झलक दाखवली.
घटनेनंतर पापाराझींशी बोलताना रवीना टंडनने स्पष्ट केले की, कुत्र्याने तिच्यावर हल्ला केला नव्हता. तिच्या म्हणण्यानुसार, रेड कार्पेटवर दुसरा कुत्रा दिसल्याने तो उत्साहित झाला होता आणि त्याची प्रतिक्रिया म्हणून त्याने ड्रेसची दोरी पकडली. मला इजा करण्याचा त्याचा कोणताही हेतू नव्हता, असेही तिने स्पष्ट केले.
प्राणिप्रेमासाठी ओळखली जाते रवीना
रवीना टंडन ही प्राणी हक्क आणि प्राणी कल्याणासाठी कायम आवाज उठवत आली आहे. ती अनेकदा सोशल मीडियावर प्राण्यांच्या संरक्षणासाठी जनजागृती करताना दिसते. यावर्षीच्या सुरुवातीला मुसळधार पावसात महामार्गावर अडकलेल्या एका कुत्र्याला तिने स्वतःच्या गाडीतून सुरक्षितपणे प्राणी कल्याण केंद्रात पोहोचवले होते. त्यामुळे या प्रसंगानंतरही तिने दाखवलेला संयम आणि प्राण्यांविषयीचा जिव्हाळा अनेकांच्या चर्चेचा विषय ठरला आहे.
अमित राय लिखित आणि दिग्दर्शित ‘ओह माय डॉग’ हा चित्रपट आज, ७ ऑगस्ट रोजी प्रदर्शित झाला आहे. एका हुशार आणि निर्भीड कुत्र्याच्या माध्यमातून मोठे रॅकेट उघडकीस आणणारी ही कथा असून, चित्रपटात पंकज त्रिपाठी, पवन मल्होत्रा, माही राय, राजेश कुमार, गीता अग्रवाल, विजय मिश्रा, श्रीधर दुबे, बुलू कुमार आणि सुलक्षणा बरुआ यांच्या प्रमुख भूमिका आहेत.
.png "Videos"){kind=small}
