फोटो सौजन्य - Social Media
बिग बॉस मराठी 5 चा विजेता सुरज चव्हाण नेहमीच चर्चेत असतो. आता पुन्हा तो आणि त्याची पत्नी संजना चव्हाण, दोघे जोडीने चर्चेत आले आहेत. दोघांनी हे अधिकृत रित्या काही सांगितले नाही आहे पण सोशल मीडियावर सुरजची पत्नी संजनाची एक रील प्रचंड चर्चेत आली आहे. या रिलमध्ये संजनाने जे ऑडिओ वापरले आहे त्याच्यामाध्यमातून एक मात्र लक्षात येते की संजना लवकरच आई होणार आहे आणि बिग बॉस फेम सुरज लवकरच बाबा होणार आहे. अगदी काही महिन्यांपूर्वीच दोघांचे लग्न अगदी थाटामाटात झाले होते. दोघांच्या लग्नात बिग बॉसचे काही स्पर्धक तसेच अनेक कलाकार मंडळी आणि Influencer उपस्थित होते.
नेमकं काय आहे Viral Video मध्ये?
बिग बॉस फेम सुरज चव्हाणची पत्नी संजनाने तिच्या @official_sanjana_suraj_1151 या सोशल मीडिया हॅण्डलवरून एक पोस्ट शेअर केली आहे. त्या पोस्टमध्ये संजनाने सुंदर असा लुक केला आहे. साडी, नाकात नथनी असा मराठमोळा लुक तिने केला असून पोस्टमधले खरे लक्ष ऑडिओने घेतले आहे. ऑडिओमध्ये “तू माझ्या पोटात आहेस पण मी तुझ्या प्रत्येक हालचालीला ओळखते. तू हललास की वाटतं जणू आयुष्य हलकं झालंय. आता फक्त तुझी वाट बघतेय, तुझ्या पहिल्या श्वासासाठी तसेच तुझ्या पहिल्या हसण्यासाठी! माझं संपूर्ण जग तुझ्यात वसलेलं आहे.” हा आई-लेकाचा संवाद खूप काही सांगून जात आहे.
संजना आणि सुरज, लवकरच पालक होणार आहेत, असे स्पष्ट संकेत या चर्चेत असणाऱ्या विडिओ मधून मिळत आहेत. त्यामुळे पोस्टखाली सुरजच्या चाहत्यांनी शुभेच्छा देण्यास सुरुवात केली आहे. ‘अभिनंदन’, ‘शुभेच्छा’ तसेच ‘खूप आनंदाची बातमी आहे.” अशा असंख्य प्रतिक्रिया सुरजच्या चाहत्यांकडून आल्या आहेत.
गेल्या आठवड्यातच सुरज आला होता चर्चेत
गेल्या आठवडाभरा पूर्वी सुरज चव्हाण चर्चेचा विषय ठरला होता. सुरजची मिमिक्री केली पण सूरजला Zee नाट्य गौरव पुरस्कारासाठी बोलवण्यात आले नाही त्यामुळे सुरज प्रचंड भावुक झाला होता आणि नाराज होता. त्यामुळे चाहत्यांमध्येही प्रचंड नाराजी होती अशामध्ये या नव्या बातमीमुळे त्याच्या चाहत्यांमध्ये आनंदाचे वातावरण आहे.
.png "Videos"){kind=small}
