(फोटो सौजन्य- सोशल मीडिया)
Tiger Shroff Transformation: बॉलिवूडचा अॅक्शन सुपरस्टार टायगर श्रॉफ पुन्हा एकदा चर्चेत आला आहे. अभिनेत्याने सोशल मीडियावर शेअर केलेला अवघ्या सहा सेकंदांचा ट्रान्सफॉर्मेशन व्हिडीओ सध्या सोशल मीडियावर तुफान व्हायरल होत आहे. या व्हिडीओमध्ये टायगरचा जबरदस्त फिटनेस पाहायला मिळत असून, त्याच्या चाहत्यांना त्याचे जुने अॅक्शन अवतार आठवले आहेत.
टायगर श्रॉफने आपल्या इन्स्टाग्राम अकाऊंटवर हा खास व्हिडीओ शेअर केला आहे. या व्हिडीओमध्ये तो शर्टलेस दिसत असून, त्याची सिक्स-पॅक अॅब्स आणि दमदार बायसेप्स पाहायला मिळत आहेत. अभिनेत्याचा हा फिटनेस लूक पाहून चाहते चांगलेच प्रभावित झाले आहेत.
टायगरने या व्हिडीओला मजेशीर कॅप्शनही दिलं आहे. त्याने लिहिलं, ‘6 weeks transformation too boring … here’s a 6-second transformation, blink n you miss.’ त्याच्या या पोस्टनंतर सोशल मीडियावर चाहत्यांच्या प्रतिक्रिया येऊ लागल्या आहेत.
फिटनेस आणि अॅक्शनसाठी ओळखला जातो टायगर
टायगर श्रॉफ त्याच्या फिटनेस आणि अॅक्शन स्टंट्ससाठी विशेष ओळखला जातो. तो अनेकदा सोशल मीडियावर आपल्या वर्कआउट रूटीनची झलक चाहत्यांसोबत शेअर करत असतो. त्याची शिस्तबद्ध फिटनेस जर्नी आणि अॅक्शन स्टंट्स चाहत्यांसाठी कायमच प्रेरणादायी ठरले आहेत.
यावेळीही त्याच्या नव्या व्हिडीओने चाहत्यांचं लक्ष वेधून घेतलं आहे. अवघ्या काही सेकंदांच्या या रीलमध्ये टायगरचा ट्रान्सफॉर्मेशन लूक पाहायला मिळत आहे.
टायगरचा हा व्हिडीओ पाहिल्यानंतर चाहत्यांना त्याचे याआधीचे अॅक्शन अवतार आठवले. अनेक चाहत्यांनी त्याला पुन्हा अॅक्शन चित्रपटांमध्ये पाहण्याची इच्छा व्यक्त केली आहे. त्याच्या पोस्टवर कमेंट करताना काही चाहत्यांनी टायगरने आणखी हाय-ऑक्टेन अॅक्शन ड्रामांमध्ये काम करावं, अशी अपेक्षा व्यक्त केली.
टायगरच्या या रीलने सोशल मीडियावर केवळ त्याच्या फिटनेसचीच चर्चा सुरू केलेली नाही, तर त्याच्या आगामी प्रोजेक्ट्सबद्दलही चाहत्यांमध्ये उत्सुकता निर्माण केली आहे. अवघ्या सहा सेकंदांच्या व्हिडीओने सोमवारची सकाळ चाहत्यांसाठी नक्कीच खास केली आहे.
.png "Videos"){kind=small}
