‘Toxic’ Box Office Collections Day 4: नकारात्मक प्रतिक्रियांनंतरही ‘टॉक्सिक’ची घोडदौड; चौथ्या दिवशी बॉक्स ऑफिसवर मोठा विक्रम

'Toxic' Box Office Collections Day 4: यशच्या ‘टॉक्सिक’ने बॉक्स ऑफिसवर जोरदार कमाई केली आहे. चित्रपटाने ४ दिवसांत १९०.४५ कोटींची कमाई करत चौथ्या दिवशी ‘धुरंधर’लाही मागे टाकलं.

• टॉक्सिकचा चौथ्या दिवशी बॉक्स ऑफिसवर मोठा विक्रम
• चार दिवसांत १९० कोटींचा टप्पा पार
• संमिश्र प्रतिक्रिया, तरीही बॉक्स ऑफिसवर जोरदार कमाई

‘Toxic’ Box Office Collections Day 4: यशचा बहुप्रतीक्षित ‘टॉक्सिक’ हा चित्रपट प्रदर्शित झाल्यापासून बॉक्स ऑफिसवर चांगली कमाई करत आहे. चित्रपटाला समीक्षक आणि प्रेक्षकांकडून संमिश्र प्रतिक्रिया मिळत असल्या, तरी बॉक्स ऑफिसवरील त्याची घोडदौड सुरूच आहे. ‘टॉक्सिक’ने चार दिवसांत भारतात तब्बल १९०.४५ कोटी रुपयांची कमाई केल्याचं सांगितलं जात आहे. विशेष म्हणजे चौथ्या दिवसाच्या कमाईत या चित्रपटाने रणवीर सिंहच्या ‘धुरंधर’लाही मागे टाकलं आहे.

चौथ्या दिवशी किती कमावले?

सॅकनिल्कच्या आकडेवारीनुसार, ‘टॉक्सिक’ने चौथ्या दिवशी २४.५० कोटी रुपयांची कमाई केली. या दिवशी चित्रपटाचे १७,६१२ शो झाले असून, एकूण २४.३ टक्के ऑक्युपन्सी नोंदवण्यात आली.

यामध्ये चित्रपटाच्या हिंदी आवृत्तीने सर्वाधिक योगदान दिलं. हिंदी व्हर्जनने चौथ्या दिवशी १५.५ कोटी रुपये कमावले. या आवृत्तीची ऑक्युपन्सी २३ टक्के होती आणि १२,८२२ शो झाले.

कन्नड आवृत्तीने ६.६० कोटी रुपये, तर तेलुगू आवृत्तीने सुमारे १.५० कोटी रुपये कमावले. मल्याळम आणि तमिळ आवृत्तीतूनही चित्रपटाच्या कमाईत भर पडली.

चार दिवसांत १९० कोटींचा टप्पा पार

‘टॉक्सिक’ने पहिल्याच दिवशी बॉक्स ऑफिसवर जोरदार सुरुवात केली. चित्रपटाने १०१.१० कोटी रुपयांची ओपनिंग घेतली. दुसऱ्या दिवशी कमाईत घट होऊन ३७.६५ कोटी रुपये, तर तिसऱ्या दिवशी २७.२० कोटी रुपये जमा झाले.

चौथ्या दिवशी २४.५० कोटींची कमाई करत चित्रपटाची भारतातील चार दिवसांची एकूण कमाई १९०.४५ कोटी रुपयांवर पोहोचली आहे.

‘टॉक्सिक’ची कमाई :

पहिला दिवस – ₹१०१.१० कोटी
दुसरा दिवस – ₹३७.६५ कोटी
तिसरा दिवस – ₹२७.२० कोटी
चौथा दिवस – ₹२४.५० कोटी
एकूण – ₹१९०.४५ कोटी
‘धुरंधर’ला टाकलं मागे

चौथ्या दिवसाच्या कमाईच्या बाबतीत ‘टॉक्सिक’ने ‘धुरंधर’ला मागे टाकलं आहे. ‘धुरंधर’ने चौथ्या दिवशी २३.२५ कोटी रुपयांची कमाई केली होती. त्याच्या तुलनेत ‘टॉक्सिक’ने चौथ्या दिवशी २४.५० कोटी रुपये कमावत आघाडी घेतली.

Badshah New Marathi Rap: ‘चिमणा’ची उंच भरारी! बादशाहच्या रॅपचा तडका, ‘गोंधळ’चं लोकगीत जगभर गाजलं

यशसोबत दिसणार तगडी स्टारकास्ट

‘टॉक्सिक’चं दिग्दर्शन गीतू मोहनदास यांनी केलं आहे. चित्रपटात यश मुख्य भूमिकेत असून, त्याच्यासोबत कियारा अडवाणी, नयनतारा, रुक्मिणी वसंत, तारा सुतारिया आणि हुमा कुरेशी यांसारखे कलाकार महत्त्वाच्या भूमिकांमध्ये दिसत आहेत.

चित्रपटात यशची दुहेरी भूमिका असल्याचं सांगितलं जात आहे. यश आणि कियारा अडवाणी यांच्या केमिस्ट्रीचीही चर्चा झाली आहे. चित्रपटातील काही बोल्ड सीन्समुळेही तो चर्चेत आला.

संमिश्र प्रतिक्रिया, तरीही बॉक्स ऑफिसवर जोरदार कमाई

‘टॉक्सिक’च्या ट्रेलरपासूनच चित्रपटाबद्दल प्रेक्षकांमध्ये उत्सुकता होती. मात्र, प्रदर्शनानंतर चित्रपटाला संमिश्र प्रतिक्रिया मिळाल्या. काही प्रेक्षकांनी कथानक आणि त्यातील ट्विस्टचं कौतुक केलं, तर काहींनी कथा गोंधळात टाकणारी आणि काही ठिकाणी कंटाळवाणी असल्याचं म्हटलं.

तरीही यशच्या स्टारडमचा फायदा चित्रपटाला मिळताना दिसत आहे. पहिल्याच दिवशी १०० कोटींचा टप्पा पार केल्यानंतर आता चार दिवसांत १९० कोटींची कमाई करत ‘टॉक्सिक’ने बॉक्स ऑफिसवर आपली पकड मजबूत केली आहे.

Google Search AI Mode: टीव्ही मालिकेत AIची एंट्री; ‘गंगा माई की बेटियां’च्या कथेत दिसणार Google Search AI Mode