नवी दिल्ली : देशातील कोरोना रुग्णांच्या संख्येत दिवसेंदिवस घट झाल्याचं पाहायला मिळत आहे. ही रुग्णसंख्या काहीसा दिलासा देणारी आहे. केंद्रीय आरोग्य मंत्रालयानं शेअर केलेल्या आकडेवारीनुसार, देशात गेल्या 24 तासात 279 नवीन कोरोना रुग्णांची नोंद करण्यात आली. या रुग्णसंख्येसह देशातील कोरोना रुग्णांची एकूण संख्या 4,46,72,347 वर पोहोचली आहे. तर, सध्या सक्रीय रुग्णांची संख्या 4,855 वर आली आहे.
[read_also content=”सरनोबत प्रतावराव गुजर यांची शौर्यगाथा- ‘रावरंभा’ चित्रपटाच्या पोस्टरमुळे वाढली प्रेक्षकांची उत्सुकता https://www.navarashtra.com/movies/raavrambha-movie-first-poster-out-nrsr-349727.html”]
तर, कोरोनामुळे मृत्यू झालेल्यांची संख्या 5,30,620 वर पोहोचली आहे. गेल्या २४ तासात पाच जणांचा मृत्यू झाला आहे. ज्यामध्ये केरळमधील दोन मृत्यूंचा समावेश आहे.
सक्रिय प्रकरणांमध्ये आता एकूण संक्रमणांपैकी 0.01 टक्के आहेत, तर कोरोना रुग्णांचा बरे होण्याचा दर 98.80 टक्क्यांपर्यंत वाढला आहे. मंत्रालयाच्या म्हणण्यानुसार, 24 तासांच्या कालावधीत सक्रिय COVID-19 रुग्णसंख्येत 127 प्रकरणांची घट नोंदवण्यात आली आहे. या आजारातून बरे झालेल्या लोकांची संख्या 4,41,36,872 वर पोहोचली आहे, तर मृत्यूचे प्रमाण 1.19 टक्के नोंदवले गेले आहे.
[read_also content=”श्रद्धाची हत्त्या केल्याचा अजिबात पश्चाताप नाही, पॉलिग्राफ चाचणीत आफताबची कबुली https://www.navarashtra.com/maharashtra/aftab-says-in-polygraph-test-no-regret-to-kill-shradhha-nrps-349684.html”]
दरम्यान, देशव्यापी कोविड-19 लसीकरण मोहिमेअंतर्गत आतापर्यंत देशात लसींचे 219.92 कोटी डोस देण्यात आले आहेत.
