केरळमधील वायनाडमध्ये एक मोठी दुर्घटना (Wayanad Road Accident) घडली आहे. वायनाड जिल्ह्यात लोकांनी भरलेली जीप दरीत कोसळून अपघात (jeep fell into gorge) झाला आहे. या अपघातात 9 जणांचा मृत्यू झाला असून दोन जण जखमी झाले आहेत. थलापुझा भागात झालेल्या हा अपघात झाल्याची माहिती समोर आली आहे.
[read_also content=”तामिळनाडूत ट्रेनमध्ये बेकायदेशीरपणे घेऊन जात होते सिलिंडर, आग लागल्याने 9 जणांचा मृत्यू, 20 जखमी! https://www.navarashtra.com/india/8-passenger-died-in-fire-at-running-train-in-tamilnadu-nrps-449786.html”]
एका स्थानिक रहिवाशाने प्रसारमाध्यमांना सांगितले की, “जीप एका खासगी चहाच्या मळ्यात काम करणाऱ्या महिलांसह मक्कीमालाला परतत होती. यावेळी चालकाचं जीपवरील नियंत्रण सुटल्याने जीप थेट दरीत कोसळली. अपघातानंतर स्थानिक आणि पोलिसांच्या मदतीने जखमींना मनंथवाडी येथील रुग्णालयात रुग्णालयात दाखल करण्यात आलं. मात्र, या दरम्यान आठ जणांना आपला जीव गमवावा लागला. तर, दोन जणांची प्रकृती गंभीर आहे. अशी माहिती एका वरिष्ठ पोलीस अधिकाऱ्याने दिली.
दरम्यान, केरळचे मुख्यमंत्री पिनराई विजयन (Chief Minister of Kerala Pinarayi Vijayan) यांनी कोझिकोडमध्ये असलेले वनमंत्री ए के ससेंद्रन यांना अपघातस्थळी धाव घेण्याचे निर्देश दिले. मुख्यमंत्र्यांनी जखमींच्या उपचारांसह सर्व उपायांमध्ये समन्वय ठेवण्याचे निर्देश दिले आणि इतर आवश्यक गोष्टींची काळजी घ्या, असे सीएमओच्या निवेदनात म्हटले आहे.
या दुःखद घटनेवर प्रतिक्रिया व्यक्त करताना काँग्रेस नेते राहुल गांधी यांनी ट्विट केले आहे की, “मानंथवाडी, वायनाड येथे चहाच्या मळ्यातील अनेक कामगारांचा जीव घेणाऱ्या या भीषण जीप दुर्घटनेने अतिशय दु:ख झाले आहे. मी जिल्हा अधिकाऱ्यांशी बोललो आहे, तत्काळ प्रतिसाद देण्याचे आवाहन केले आहे. माझे विचार त्यांच्यासोबत आहेत. दुःखी कुटुंबे. जखमींना लवकरात लवकर बरे होवो ही प्रार्थना.”
.png "Videos"){kind=small}
