भारतातील समृद्ध जैवविविधता दर्शविणारा एक आश्चर्यकारक शोध; सापडला शिंगाचा बेडूक

भारतातील अरुणाचल प्रदेशात शास्त्रज्ञांनी बेडकाची नवीन प्रजाती शोधून काढली आहे. सर्वात खास गोष्ट म्हणजे या बेडकाला शिंगे आहेत. हा शिंग असलेला बेडूक अरुणाचल प्रदेशातील टेल वन्यजीव अभयारण्याच्या जंगलात आढळतो.

अरूणाचल प्रदेश: भारतीय प्राणीशास्त्र सर्वेक्षण (ZSI) च्या शास्त्रज्ञांना अरूणाचल प्रदेशात बेडकाच्या एका नवीन प्रजातीचा शोध लागला आहे. विशेष म्हणजे या बेडकाला शिंग आहेत. या बेडकाचे नाव स्थानिक जमाती आपटानी असे ठेवण्यात आले आहे. हा शिंग असलेला बेडूक अरुणाचल प्रदेशातील टेल वन्यजीव अभयारण्याच्या जंगलात आढळतो.

बिक्रमजीत सिन्हा आणि भास्कर सैकिया यांच्या टीमने या बेडकाचा शोध लावला आहे. संघातील केपी दिनेश, ए. शबनम आणि इलोना जेसिंथा खाकरोंगर यांनी काढलेल्या निष्कर्षांमुळे 2019 मध्ये सापडलेल्या हॉर्नेड माओसन फ्रॉगचा पूर्वीचा अहवाल चुकीचा असल्याचे सिद्ध झाले आहे. Xenophrys apatani चा हा शोध भारतातील समृद्ध जैवविविधतेवर प्रकाश टाकणारा आहे. बेडकाच्या नवीन प्रजातीचे नाव अरुणाचल प्रदेशातील आपटानी जमातीच्या नावावरून ठेवण्यात आले आहे. ही जमात खालच्या सुबानसिरी खोऱ्यात राहते, जिथे टेल वन्यजीव अभयारण्य आहे. हा बेडूक पूर्व हिमालय आणि इंडो-बर्मातील जैवविविधतेत आढळतो.

टेल अभयारण्य विविध प्रकारच्या उभयचर प्रजातींसह समृद्ध जैवविविधतेसाठी ओळखले जाते. अलीकडच्या काळात टेलमधून सापडलेली बेडकांची ही पाचवी प्रजाती आहे. 2017 मध्ये ओडोराना अरुणाचलेन्सिसचा शोध लागला होता. यानंतर 2019 मध्ये लियुराना बेडकांच्या तीन नवीन प्रजाती सापडल्या होत्या. या व्यतिरिक्त, संशोधकांनी 2022 मध्ये पश्चिम अरुणाचलमधून कॅस्केड बेडकांच्या तीन नवीन प्रजाती शोधल्या होत्या.