अहमदाबाद : गुजरातच्या समुद्र किनाऱ्यावर एटीएस (ATS), नार्कोट्रिक कंट्रोल ब्युरो (NCB) आणि भारतीय नौदलाने संयुक्तपणे कारवाई करत आतापर्यंतचा सर्वांत मोठा ड्रग्जचा साठा जप्त केला आहे. समुद्रात फिरणाऱ्या संशयास्पद बोटीतून कोट्यवधी रुपयांचं अंमलीपदार्थ जप्त करण्यात आले असून, तब्बल 3300 किलो वजनी ड्रग्जचा साठा पकडण्यात आला आहे. यासोबतच 5 विदेशी तस्करांना अटक करण्यात आली आहे. भारतीय उपखंडातील अंमली पदार्थांची ही आतापर्यंतची सर्वांत मोठी जप्ती आहे.
पाचही आरोपी इराणी किंवा पाकिस्तानी
हे पाच आरोपी इराणी किंवा पाकिस्तानी असल्याचा संशय व्यक्त केला जात आहे. दरम्यान, एनसीबीला मोठ्या यशाबद्दल केंद्रीयमंत्री अमित शाह यांनी एनसीबी, नौदल आणि गुजरात पोलिसांचे अभिनंदन केले आहे. हे ऐतिहासिक यश आपल्या देशाला अंमली पदार्थमुक्त करण्यासाठी सरकारच्या अतूट बांधिलकीचा पुरावा असल्याचे ट्विट त्यांनी केले.
2000 कोटींहून अधिक किंमत
एनसीबी, नौदलाच्या पाळत ठेवण्याच्या मोहिमेवर असलेले पीठआय एलआरएमआर विमान संशयिताला पकडण्यासाठी वळवण्यात आले. जप्त करण्यात आलेल्या ड्रग्जची किंमत 2000 कोटींहून अधिक असल्याचे समजते.
.png "Videos"){kind=small}
