Drought Hit Farmers Diwali 2026: शेतकऱ्यांची दिवाळी काळी होणार नाही, उपमुख्यमंत्री एकनाथ शिंदे यांची ग्वाही

Drought Hit Farmers Diwali 2026 : महाराष्ट्रातील दुष्काळग्रस्त शेतकऱ्यांची दिवाळी चिंतामुक्त करण्यासाठी राज्य सरकारने दिवाळीपूर्वी पाच हजार रुपयांची अग्रीम मदत देण्याचा निर्णय घेतल्याचे उपमुख्यमंत्री एकनाथ शिंदे यांनी सांगितले. दुष्काळग्रस्त शेतकऱ्यांना लागू असलेल्या सवलतींचा लाभ देण्यासोबतच केंद्र सरकारकडूनही मदत मिळणार

• राज्य सरकारच्या मदतीसोबत केंद्र सरकारकडूनही शेतकऱ्यांना मोठी मदत  
• ‘संविधानाचा उल्लेख करणाऱ्यांनी संविधानाने निर्माण केलेल्या संस्थांचा सन्मान राखला पाहिजे ‘ 
• भारताची अर्थव्यवस्था वेगाने प्रगती करत असून देश आर्थिक महासत्तेच्या दिशेने  

Drought Hit Farmers Diwali 2026 :  दुष्काकाळी संकटात सापडलेल्या शेतकऱ्यांच्या चेहऱ्यावर दिवाळीच्या सणातही चिंता दिसू नये, यासाठी सरकारने मदतीचा हात पुढे केला असून दुष्काळग्रस्त शेतकऱ्यांना लागू होणाऱ्या सर्व सवलतींचा लाभ देण्यासोबतच पाच हजार रुपयांची अग्रीम मदत दिवाळीपूर्वी देण्याचा निर्णय मंत्रिमंडळाने घेतला आहे. यामध्ये शेतकऱ्यांची दिवाळी काळी होणार नाही, अशी ग्वाही उपमुख्यमंत्री एकनाथ शिंदे यांनी पुण्यातील खराडी येथे व्यंकटेश वनाया या प्रकल्पाच्या भूमिपजन सोहळ्यात दिली.

राज्य सरकारच्या मदतीसोबत केंद्र सरकारकडूनही शेतकऱ्यांना मोठी मदत

राज्य सरकारच्या मदतीसोबत केंद्र सरकारकडूनही शेतकऱ्यांना मोठी मदत मिळणार असल्याचे उपमुख्यमंत्री एकनाथ शिंदे यांनी सांगितले, पंतप्रधान नरेंद्र मोदी आणि केंद्रीय गृहमंत्री अमित शाह यांनी याबाबत आश्वस्त केले असून, केंद्राकडे मदतीसाठी राज्य सरकारने पाठपुरावा केला असल्याचे त्यांनी नमूद केले.

Solapur : पुणे पदवीधर आणि शिक्षक मतदारसंघात भाजपचाच विजय होणार, जयकुमार गोरे 

‘संविधानाचा उल्लेख करणाऱ्यांनी संविधानाने निर्माण केलेल्या संस्थांचा सन्मान राखला पाहिजे ‘

दरम्यान, विरोधकांकडून ‘फेक नॅरेटिव्ह’ च्या माध्यमातून जनतेची दिशाभूल केली जात असल्याचा आरोप शिंदे यांनी केला. सर्वोच्च न्यायव्यवस्थेविरोधात मोर्चा काढण्याच्या प्रकारावरून त्यांनी विरोधकांवर निशाणा साधला. उपमुख्यमंत्री एकनाथ शिंदे म्हणाले, ‘संविधानाचा उल्लेख करणाऱ्यांनी संविधानाने निर्माण केलेल्या संस्थांचा सन्मान राखला पाहिजे,’ असा टोला त्यांनी राहुल गांधी यांना लगावला.

भारताची अर्थव्यवस्था वेगाने प्रगती करत असून देश आर्थिक महासत्तेच्या दिशेने

पंतप्रधान नरेंद्र मोदी यांच्या नेतृत्वाखाली भारताची अर्थव्यवस्था वेगाने प्रगती करत असून देश आर्थिक महासत्तेच्या दिशेने वाटचाल करीत आहे. ही प्रगती काहींना खटकत असल्याची टीकाही शिंदे यांनी केली. भारताला बदनाम करण्याचे प्रयत्न जनता हाणून पाडेल, असा विश्वास त्यांनी यावेळी व्यक्त केला आहे.

पत्रकारांशी संवाद साधताना उपमुख्यमंत्री एकनाथ शिंदे म्हणाले , ‘शेतकरी हा आमचा अन्नदाता आणि केंद्रबिंदू आहे. त्याला मदत देताना सरकार हात आखडता घेणार नाही. शेतकऱ्याला वाऱ्यावर सोडणार नाही,’ असे त्यांनी स्पष्ट केले.

Pradeep Purnekar: ‘Next Target तू…’, प्रदीप पूर्णेकर हत्या प्रकरणात मोठी घडामोड, प्रताप सरनाईकांसमोर पुतणीचा धक्कादायक खुलासा