Amit Shah on Congress : राहुल गांधींनी 2029 च्या पराभवासाठी तयार राहावं, अमित शाहांचा हल्लाबोल
राहुल गांधी हे SIR च्या नावाखाली घुसखोरांना संरक्षण देत असल्याची टीका केंद्रीय गृहमंत्री अमित शाह यांनी केली. राहुल गांधींनी भाजपच्या विजयातून धडा घेण्याचे आणि काँग्रेसला आपल्या पराभवावर आत्मपरीक्षण करण्याचे आवाहन केले. राहुल गांधी आणि त्यांच्या सहकाऱ्यांनाही 2029 मध्ये मोठ्या पराभवासाठी तयार रहावे असेही शाह (Amit Shah on Congress) म्हणाले.
गुजरातमधील पालिका निवडणुकीत भाजपच्या चांगल्या कामगिरीनंतर, केंद्रीय गृहमंत्री अमित शाह यांनी SIRचा संदर्भ देत विरोधी पक्षनेते राहुल गांधी यांच्यावर निशाणा साधला. SIR मुळेच काँग्रेसला गुजरातमध्ये 41 वर्षे विजय मिळवता आला नाही का? असा प्रश्न त्यांनी राहुल गांधी यांना विचारला.
तसेच शाह यांनी राहुल गांधी यांना पुढच्या लोकसभा निवडणुकीत आणखी एका पराभवासाठी तयार राहण्याचे आवाहन केले.
ते पुढे म्हणाले की, मला राहुल गांधींना हेही विचारायचे आहे की, हा SIR परिणाम आहे का? तुम्ही भाजपची लोकप्रियता आणि पंतप्रधान मोदी यांना SIR चे कारण म्हणून फेटाळून लावता. तुम्हाला आत्मपरीक्षण करण्याची गरज आहे.
नुकत्याच पश्चिम बंगाल, तामिळनाडू आणि पुदुचेरी या तीन राज्यांमध्ये पोटनिवडणुका पार पडल्या. त्यातही काँग्रेसला एकही जागा मिळाली नसल्याचे शाह यांनी यावेळी सांगितले.
गुजरात में हुए स्थानीय निकाय चुनावों और हाल ही में संपन्न हुए अन्य राज्यों के उपचुनावों व स्थानीय चुनावों में भाजपा को मिली प्रचंड जीत ने एक बार फिर सिद्ध कर दिया है कि जनता राहुल गांधी व इंडी अलायंस के झूठ को पूरी तरह नकार चुकी है। देश की जनता मोदी जी के साथ चट्टान की तरह खड़ी है और यह जनविश्वास बताता है कि 2029 के लोकसभा चुनावों में कांग्रेस लगातार चौथी बार हारेगी व एक बार फिर प्रचंड बहुमत से NDA की ही सरकार बनेगी। — Amit Shah (@AmitShah) October 13, 2026
जे लोक निकालांसाठी मतदान यंत्रांना दोष देतात, त्यांना मी सांगू इच्छितो की, या निवडणुका मतपत्रिका वापरून घेण्यात आल्या होत्या. भाजप मतदान यंत्रांमुळे निवडणुका जिंकतो, हा युक्तिवाद यामुळे पूर्णपणे खोटा ठरला असे अमित शाह यांनी स्पष्ट केले.
तसेच बंगाल, त्रिपुरा आणि गुजरातसारख्या राज्यांमध्ये काँग्रेस पक्षाला तीन, चार किंवा अगदी पाच दशकांपासून पराभवाला सामोरे जावे लागत आहे. मला राहुल गांधींना थेट विचारायचे आहे. हा SIR परिणाम आहे का? SIR हा 2024 नंतर लागू करण्यात आला. तुम्ही काँग्रेस पक्षाचे प्रमुख नेते, नंतर पक्षाध्यक्ष आणि विरोधी पक्षनेते झाल्यापासून, पक्ष सातत्याने निवडणुका हरत असल्याची टीका शाह यांनी केली.
ते पुढे म्हणाले की, मी राहुल गांधी आणि त्यांच्या सहकाऱ्यांनाही सांगू इच्छितो की त्यांनी 2029 मध्ये मोठ्या पराभवासाठी तयार रहावे. 2029 च्या सार्वत्रिक निवडणुकीत एनडीए प्रचंड विजय मिळवणार आहे आणि काँग्रेस आणखी एका पराभवाकडे वाटचाल करत आहे.
शाह यांनी आरोप केला की, राहुल गांधी SIRच्या नावाखाली घुसखोरांना संरक्षण देण्याचा प्रयत्न करत आहेत. मला राहुल गांधींना सांगायचे आहे की, SIRच्या नावाखाली घुसखोरांना संरक्षण देण्याची तुमची रणनीती या देशातील जनतेला पूर्णपणे समजली असल्याचेही ते म्हणाले.
.png "Videos"){kind=small}
