फ्रँकफर्टहून दिल्लीला जाणारे विमान हायजॅकचा प्रयत्न; वैमानिकांनी सांगितलं, ‘आम्ही कोणताही…’

फ्रँकफर्ट येथून हे विमान येत होते. त्यावेळी विमानाने आंतरराष्ट्रीय हायजॅक सूचना कोड ७५०० दर्शवला. तो सर्वप्रथम मुंबई विमानतळ एटीसीने, त्यानंतर अहमदाबाद विमानतळ एटीसीने ओळखला.

• विमानात होते २९३ प्रवासी आणि १३ कर्मचारी
• हायजॅक कोड दाबला नसल्याची वैमानिकांची माहिती
• सुरक्षा यंत्रणांकडून तपास सुरु

नवी दिल्ली : जर्मनीतील फ्रँकफर्ट येथून २९३ प्रवासी आणि १३ कर्मचाऱ्यांना घेऊन जाणाऱ्या एअर इंडियाच्या एआय-२०३० विमानाचे हायजॅक होत असल्याची माहिती समोर आली. याचे संकेत मिळताच, सर्व सुरक्षा यंत्रणांमध्ये भीतीचे वातावरण होते. सर्व विमानतळांना तात्काळ सतर्क करण्यात आले. मात्र, सर्व तपासणी झाल्यानंतर कोणतीही हायजॅकची घटना घडली नसल्याचे समोर आले.

फ्रँकफर्ट येथून हे विमान येत होते. त्यावेळी विमानाने आंतरराष्ट्रीय हायजॅक सूचना कोड ७५०० दर्शवला. तो सर्वप्रथम मुंबई विमानतळ एटीसीने, त्यानंतर अहमदाबाद विमानतळ एटीसीने ओळखला. परिस्थितीचे गांभीर्य लक्षात घेऊन, विमान दिल्लीहून जयपूर विमानतळावर वळवण्यात आले, जे देशातील अशा आपत्कालीन परिस्थितीसाठी नियुक्त केलेल्या १३ विमानतळांपैकी एक आहे. सुमारे पाच तासांच्या सुरक्षा तपासणी आणि प्राथमिक तपासानंतर, सुरक्षा यंत्रणांनी विमानाला हिरवा कंदील दाखवला आणि विमान सर्व प्रवाशांसह जयपूरहून दिल्ली विमानतळावर सुरक्षितपणे उतरले.

या प्रकरणाच्या प्राथमिक तपासात अनेक तथ्ये समोर आली आहेत, ज्यामुळे डीजीसीए, बीसीएएस, आयबी आणि इतर सुरक्षा यंत्रणा चिंतेत आहेत. सूत्रांनी दिलेल्या माहितीनुसार, विमानातील दोन्ही वैमानिकांनी चौकशीदरम्यान सांगितले की, त्यांनी ७५०० हा आपत्कालीन कोड दाखवला नाही. मग मुंबई आणि अहमदाबाद विमानतळावरील एटीसीला हा आपत्कालीन कोड कसा मिळाला? एअर इंडियाच्या या विमानात वापरलेल्या बोईंग ७८७-९ ड्रीमलाइनर विमानाच्या प्रणालीने हा कोड आपोआप तयार करून दाखवला, की एटीसीने तो कोड चुकीच्या पद्धतीने डीकोड केला? याचा तपास आता केला जात आहे.

याप्रकरणाचा तपास आता सुरु?

या प्रकरणाचा गंभीर तपास सुरू आहे. दोन्ही वैमानिकांमधील समन्वय आणि संबंधांचीही चौकशी केली जात आहे, ज्यामध्ये त्यांच्यापैकी एकाने जाणीवपूर्वक किंवा नकळत हा कोड दाखवला होता का, याचाही समावेश आहे. मात्र, तज्ज्ञांच्या मते हा कोड चुकून दाखवला गेला नसावा. तरीही, अहमदाबादच्या एटीसीने वैमानिकांशी संपर्क साधून त्यांना विमान अपहरणाबद्दल विचारणा केली. तेव्हा वैमानिकांनी सांगितले की, त्यांच्या बाजूने सर्व काही ठीक होते. त्यांना सांगण्यात आले की, त्यांनी अपहरण कोड ७५०० दाखवला होता. वैमानिकांनी उत्तर दिले की, त्यांनी तसे केले नव्हते.

भारत-सिंगापूर प्रवाशांसाठी खूशखबर ! Air India अन् Singapore Airlines ची मोठी भागीदारी; 126 विमानांच्या फेऱ्यांचे अधिक पर्याय

💡 Frequently Asked Questions

फ्रँकफर्टहून दिल्लीला जाणारे विमान हायजॅक झाले का?

– नाही, हायजॅक झाले नाही. हा खोटा अलर्ट (False Hijack Alert) होता. विमानात कोणीही हायजॅकर नव्हता. DGCA आणि सुरक्षा यंत्रणा चौकशी करत आहेत.

नेमके काय झाले?

– विमान 13 ऑक्टोबर रात्री 9:15 वाजता फ्रँकफर्टहून निघाले, 14 ऑक्टोबर सकाळी 10:40 ला दिल्लीला पोहोचणार होते. मुंबई Flight Information Region (FIR) मध्ये असताना Squawk Code 7500 चा सिग्नल मुंबई ATC ला मिळाला.

Code 7500 म्हणजे काय?

– हा आंतरराष्ट्रीय transponder code आहे. पायलट जर संकटात असेल तर गुपचूप ATC ला कळवण्यासाठी हा कोड टाकतो. 7500 = Hijack, 7600 = Radio Fail, 7700 = Emergency. यामुळे रडारवर विमानाचा ठिपका लाल होतो आणि अलार्म वाजतो.