मंगळवार, 20 ऑक्टोबर 2026
पुद्दुचेरी : रंगीबेरंगी कॉटन कँडी बहुतेक मुलांमध्ये आवडते. तोडांत टाकता विघरळणारी कॉटन कँडी विकण्यावर पुद्दुचेरीमध्ये बंदी घालण्यात आली आहे. सर्वांना आवडणारी ही कॉटन कँडी आता या राज्यात मिळणार नाही. पण ही बंदी का घालण्यात आली आहे, असा प्रश्न तुम्हाला पडला असेल.
सरकारी अधिकाऱ्यांना कॉटन कँडीच्या निर्मितीमध्ये विषारी रसायनांचा वापर आढळून आला आहे. पुद्दुचेरीचे लेफ्टनंट गव्हर्नर तमिलसाई सौंदर्यराजन यांनी गुरुवारी एका व्हिडिओमध्ये बंदीची घोषणा केली. त्यांच्या अधिकृत इन्स्टाग्राम पेजवर क्लिप शेअर करून, राज्यपालांनी जनतेला मुलांसाठी कॉटन कँडी खरेदी करु नये असे करण्याचे आवाहन केले. कारण त्यातील रसायने संपूर्ण शरीराला हानी पोहोचवतात. अन्न सुरक्षा अधिकाऱ्यांना रोडामाइन-बी हा विषारी पदार्थ आढळला आहे. पुद्दुचेरीतील मुले आणि इतर लोक वापरत असलेल्या कॉटन कँडीमध्ये ‘रोडामाइन बी’ नावाचा विषारी पदार्थ वापरला जात असल्याचे आढळून आले आहे.
‘रोडामाइन बी’ म्हणजे काय?
‘नॅशनल इन्स्टिट्यूट ऑफ हेल्थ’नुसार, रोडामाइन बी हे सहसा आरएचबी म्हणून संक्षिप्त केले जाते आणि ते एक रासायनिक संयुग आहे. जे रंग म्हणून कार्य करते. अन्नामध्ये मिसळल्यावर ते अनेकदा शरीरात प्रवेश करते आणि पेशी आणि ऊतींवर ऑक्सिडेटिव्ह ताण निर्माण करते. इतकेच नाही तर रोडामाइन बीचा दीर्घकाळ वापर केल्यास यकृतासंदर्भात समस्या उद्भवू शकतात.
