अर्थसंकल्प 2024 ची तारीख जाहीर ; अर्थमंत्री निर्मला सीतारामन या दिवशी अंतरिम बजेट सादर करणार

अर्थसंकल्प 2024 ची तारीख जाहीर झाली आहे. अंतरिम अर्थसंकल्प 1 फेब्रुवारी 2024 रोजी संसदेत मांडला जाईल आणि अर्थमंत्री निर्मला सीतारामन 1 फेब्रुवारीला अंतरिम अर्थसंकल्प सादर करतील. अर्थमंत्री सीतारामन संसदेत अर्थसंकल्पादरम्यान देशासाठी गेल्या एक वर्षाचा आर्थिक लेखाजोखा कसा होता आणि येत्या आर्थिक वर्षात कोणत्या कामांसाठी पैसा लागेल याची माहिती देणार आहेत.

अर्थसंकल्प सादर होण्याच्या एक दिवस आधी म्हणजे 31 जानेवारीला देशाचा आर्थिक सर्वेक्षण सादर केला जाणार आहे. अर्थ मंत्रालयाशी संलग्न मुख्य आर्थिक सल्लागार आणि त्यांच्या टीमने तयार केलेले आर्थिक सर्वेक्षण 31 जानेवारी रोजी सादर केले जाईल. संसदेच्या अर्थसंकल्पीय अधिवेशनादरम्यान जानेवारीच्या शेवटच्या तारखेला हे संसदेसमोर ठेवले जाईल.

मध्यंतरी अर्थसंकल्पात सरकारला निवडणुकीच्या वर्षात देशाचा खर्च भागवायचा किती पैसा आहे आणि तो कसा वापरला जाईल यावर चर्चा होते आणि याला व्होट ऑन अकाउंट म्हणतात.

मोदी सरकारचा दुसरा कार्यकाळ संपण्याच्या काही महिन्यांपूर्वीच हा अर्थसंकल्प अत्यंत महत्त्वाचा ठरतो. या वर्षी लोकसभेच्या निवडणुका होणार आहेत आणि त्याआधी देशाची आर्थिक स्थिती सांगणारा हा अत्यंत महत्त्वाचा दस्तावेज ठरणार आहे. निवडणुकीच्या वर्षात देशात दोन अर्थसंकल्प सादर केले जातात, त्यापैकी पहिला अर्थसंकल्प विद्यमान सरकार आणि दुसरा अर्थसंकल्प नवीन सरकारच्या स्थापनेनंतर सादर केला जातो.

Web Title: Budget 2024 date announced finance minister nirmala sitharaman will present the interim budget on this day nrab

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News  only on Navarashtra.com