‘चांद के पास’, इस्रोनं दिली गूडन्यूज! चांद्रयान-3 चा पाचव्या आणि अंतिम कक्षेत यशस्वी प्रवेश

इस्रोने सांगितले की आता प्रोपल्शन मॉड्यूल आणि लँडर मॉड्यूल त्यांच्या स्वतंत्र प्रवासासाठी तयार होत आहेत.

भारतीय अंतराळ संशोधन संस्था म्हणजेच इस्रोने (Isro) आज सकाळची सुरवात एका आंनदाच्या बातमीने केली आहे. आपल्या महत्त्वाकांक्षी चांद्रयान (Chandrayaan 3) मोहिमेअंतर्गत  इस्रोने मोठी अपडेट दिली असून चांद्रयान-3 नं चंद्राच्या (Lunar Orbit) पाचव्या आणि शेवटच्या कक्षेत यशस्वीरीत्या यशस्वी प्रवेश केला आहे.

5 ऑगस्टला चंद्राच्या कक्षेत प्रवेश

14 जुलैला आंध्र प्रदेशातील श्रीहरिकोटा येथील सतीश धवन सेंटर येथून दुपारी 2.35 वाजता हे चांद्रयान-3  अवकाशात झेपावलं. त्यानंतर हे यान आज 5 ऑगस्ट रोजी चंद्राच्या कक्षेत यशस्वीरित्या पोहोचलं होतं. आता ते त्याच्या पुढच्या महत्त्वाच्या टप्प्यावर म्हणजेच चंद्राकडे वळले आहे. चांद्रयान-3  नं चंद्राच्या पाचव्या आणि अंतिम कक्षेत यशस्वी प्रवेश केला आहे. भारतीय अंतराळ संशोधन संस्थेने (इस्रो) ही माहिती दिली आहे. सुमारे २३ दिवसांच्या प्रवासानंतर हे यान चंद्राच्या पृष्ठभागावर उतरेल असा अंदाज आहे.

इस्रोनं ट्विट करत दिली माहिती

बेंगळुरूमधील इस्रो टेलीमेट्री, ट्रॅकिंग आणि कमांड नेटवर्क (ISTRAC) कडून चांद्रयानाच्या हालचालींना ट्रॅक करण्यात येत आहे. आज सकाळी 8.30 वाजता चांद्रयान 3 पाचव्या आणि अंतिम कक्षेत पोहोचल्याचं त्यांनी सांगितलं.

” चांद्रयान-3 ला 153 किमी x 163 किमीच्या कक्षेत, प्रवासावर आहे. यासह, चंद्रावर जाणारी परिक्रम पूर्ण झाली आहे,” इस्रोने म्हटले आहे.

See more

Chandrayaan-3 Mission:

Today’s successful firing, needed for a short duration, has put Chandrayaan-3 into an orbit of 153 km x 163 km, as intended.

With this, the lunar bound maneuvres are completed.

It’s time for preparations as the Propulsion Module and the Lander Module… pic.twitter.com/0Iwi8GrgVR

— ISRO (@isro) August 16, 2023

चांद्रयान-3 चा आतापर्यंत प्रवास

चांद्रयान-3 ने आतापर्यंत चांगला प्रवास केला आहे. 14 जुलैला चांद्रयान 3 हे यान 170 किमी x 36,500 किमीच्या पृथ्वीच्या कक्षेत प्रक्षेपित करण्यात आले. लँडर आणि रोव्हर चंद्राच्या दक्षिण ध्रुवावर उतरतील आणि 14 दिवस प्रयोग करतील. प्रोपल्शन मॉड्यूल चंद्राच्या कक्षेत राहून पृथ्वीवरून येणाऱ्या रेडिएशनचा अभ्यास करेल. या मोहिमेद्वारे इस्रो चंद्रावरील पाण्याचा शोध घेणार आहे. तसेच चंद्राच्या पृष्ठभागावर भूकंप कसे होतात हे देखील कळेल. 22 दिवसांच्या प्रवासानंतर चांद्रयान 5 ऑगस्ट रोजी संध्याकाळी 7.15 च्या सुमारास चंद्राच्या कक्षेत पोहोचले आहे.

चंद्राच्या कक्षेत गेल्यानंतर काय?

चंद्राच्या कक्षेत गेल्यानंतर इस्रोकडून चांद्रयान 3 वर वेगवेगळे प्रयोग करण्यात येतील. चंद्राच्या कक्षेत 100 किमी अंतरावर लँडर मॉड्युलरपासून वेगळा होईल. त्यानंतर सॉफ्ट लँडिंगचा प्रवास सुरु होईल. सॉफ्ट लँडिंगनंतर रोव्हर लँडरमधून बाहेर येऊन आपल्या वैज्ञानिक चाचण्या सुरु करेल.